大個仔

1221, 又大一年了，今日加左唔少人工，買左好多生日禮物俾自己，x-pan la, PS3 la, 黎緊的 Wii la.......

頭先行city super 找禮物，又睇中左迷你遙控直升機添……呢排買野真係買上引…… @.@

今日同舊同事食飯，坦白講我都唔 expect 佢會記得我生日，我地成半年無contact, 電話都無一個，佢都重記得，十萬個感動…… XDDDDD

重有四年就三字頭……係一個男人最有型的時候，期待……

P.S. 有人問我鐘意咩禮物﹕查實創意係的我的生命，只要份禮物夠騎呢，我都會鐘意。
如果你真係想唔到，曾經有人送個一張receipt, 係捐左錢俾無國界醫生的，我十個鐘意，係有生以黎最有意義的生日禮物。

林狗 talk show

成個 show, 超低能........... XDDDD 你明唔明呀？

年……又過年……旅遊

妖，真係有好多地方等住去……

雲南
北海道
歐洲
陽光海灘 (邊度我無咩所謂)
東京 <-- 五年無去好想去多次

雲南，去極都去唔到，三月果陣我攪話去，又無人理，到我決定左黃山，佢地班友又話去……影D 相返黎重要鬼死咁靚……跟手十一月又有第二班fd 話去，但我返緊份得七日假的工，點算 je.....

黃山，唔好玩，海洋公園好玩過佢。最記得都只係幫人地搶(唔係買) D 長生酥返黎。
宏村，都值得一去ge, 一去到真係知道咩叫風光如畫。

北海道，上年未排到期去，今年我家姐話二月去，點算，好貴，我又唔係好拿到假。

歐洲，原來我都無打算去，但 oasis, 三千蚊來回 ticket 真係好吸引。

陽光海灘，好多ge, 我唔識游水，咁可以玩咩呢？答案係潛水，滑翔傘........

東京，對上一次去係大學的 year 2, 在鹿兒島讀完日文轉機過去。其實去東京真係會失控的，我在香港係絕小買衫的，通常都係一季入一次，update 下個 trend...... 我呢種人過到去都買左三千幾蚊衫。同埋真係好多野玩，Fuji-Q 我真係好掛住你，重有Shinjuku 的靚女們……

年……又過年……工作

今年……做到目標了，就係轉去一份有前途的工作。

我向來都唔係咩事業心重的人，但我總係要食飯的，都要為將來打算下。轉左黎中銀做，其實對於我，銀行係完全唔 match 我性格的。

做的野，其實我做得唔好，自己有眼睇的。眼見人地可以將自己check 左好多次的野，一眼就睇出黎。真係唔好受的……

下年的目標，好簡單，就係將手上的工作做好。我睇份contract, 我做成咁，都好難renew 架la, 不過我睇轉工應該唔難的……

年……又過年……愛情

愛情，自從同個 ex 分手後，呢一年都係空白的，有復合的機會的，但感覺已經唔在度了。
其實自己在呢一年最大的進步，係自己的自信心真係大左好多。
以前，俾女仔拒絕，好激動，表面就好似好鐘意個女仔咁，實情就係覺得，被人拒絕好似代表自己唔掂。
人大左，成熟左了，傻事做少左好多。

以前一拍拖就打算結婚，結果分手果陣就覺得人地好似負左你咁。

好唔明以前點解會單靠個女仔索唔索去決定一個老婆。

而家，人大左，知道一開始唔需要俾咁大責任大家，casual D , 大家都會開心好多，真係我老婆的話，相處耐左自然就發覺。

Well......... 下年的 target 都係俾心機溝女啦…… XDDDDD

PS3

黃綠害人太多，天修，病到呢，不過終於都好番……

終於都係忍唔到手，拆左部PS3 黎玩，對於我呢個由細到大打開機的人，實在係太大引誘。

但開左先發覺，PS3 真係有錢人的玩意，你一定要有部37" 以上的電視先可以用得盡部PS3,
結果就係我呢幾日不停咁上影音深造班，不停上網找各個專業名詞的解釋，務求我可以唔買
大電視，可以在個mon 度玩，真係頭都痕埋。

原本重諗住用部PS3 找下錢買部Wii 添，睇黎而家都係兩部1 齊架la........ 無晒錢啦……快D 出糧呀……

好耐好耐

Blogger 你好嘛？我好耐無同你扑過啦……

終於都忙完，上左 production 了，其實我返左工幾年，今次先至真正將自己寫的野，面對住一百萬的用戶，出之前真係幾擔心，but anyway, 雖然都有少少問題，但總算係 ok。其實真係好多謝我D 同事幫我double check 再triple check, 無佢地我俾人炒左好耐了……

----- 我是分隔線 -----

買左我心愛的 x-pan 了，萬幾蚊，係我一生人最貴的玩具。但影菲林真係好麻煩，xpan 又特別，晒相要拿去拿去 lab 度晒，好麻煩。

上個禮拜拿住部 x-pan 走去影相，行到去CWB 見到Nokia promotion, 行過個 show girl 面前，佢擺左pose 俾我影，我呆左，因為我真係無打算要影佢，係路過only, 咁點，唯有扮影左一張。

重有在文化中心影snapshot, 影影下，突然間見到鏡頭入面有條友仔好開心，一望之下原來係一個女仔，大約都係以為我影緊佢，其實我只係想影條樓梯，不過你坐在度我真係無辦法，XDDD, anyway la, 令到人地開心都係善事黎ge, 唔怕做…… XDDDD

----- 我是分隔線 -----

甘泉航空真係好抵 law, 去過佢個web check, 來回倫敦連附加費都只係三千蚊，忽然好想去歐洲添，真係同我去個東京差不多ja, 我要去瑞士食瑞士糖嘛。

不過最麻煩係D 假，得七日假要去Bali, 北海道, 關島己經係無咩可能，拿假果度真係好頭痛……

----- 我是分隔線 -----

哈，hkfa 有人又想搞 gathering 播，不過佢出post 呀，難度高左D 喎，哈哈。

Travel

Bali - 4499, Westin Resort 3 nights
浮羅交怡 4500, Sheraton Beach Resort
Osaka, 4620, 3 nights
北海道, 6020, 3 nights
穌梅, 4910, 3 nights,

其實都差不多價錢，玩 5 日都夠了，即係package 就 5,000

睇下幾時拿假先……

睇掌

一向我都唔相信睇掌同數下電話有幾多個一字，我總相信命運拿握在自己手，就算係上天安排都要自己去爭取。

之但係呢，近排又鐘意睇手指，無錯係手指唔係手掌。拿呢個我就信喎，因為係用手掌去睇一個人的性格。

讀書的時候學的，人腦的 30% 係用黎控制我地的手指，所以我好深信手可以反映到一個人的性格的。

最近睇discovery, 講有一個科學家可以用無名指的長度去估一班長跑的選手的名次，1-8，結果只係第三第四估錯左……真係好不可思議。

過三關

我都唔多落bar, 但竟然教左大家幾隻game.

去酒用的過三關，你真係叻，我未試過同人地玩過三關搞到人飲晒九杯……wakaka,

捱時間的打地主，都話好過玩鋤D 架la

重有再虛偽不過的 I have never......... hehehaha, D 人玩得呢D game 又要咁虛偽……唉……

Prison Break

呢套，係繼一升的眼淚之後，我會話好正的劇集。

一升的眼淚最正係呀水著姐姐，但我之前睇過佢本寫真集，都認唔到呢個校服look... @.@ 校服look 係最好的……

Prison break 最正係個男主角，無錯我係仔都要講呢個字，型爆。

不過佢同一升的眼淚就唔同type 的，一升係催淚彈，我喊左二升。呢套，就講鬥智鬥力的，男主角果種冷靜同機智，係我呢D 只係得個樣的人要多多學習的…… XDDDD

工行

為左工商銀行上市，我已經用左好多個晚上在公司。

變態，中銀借左百幾億margin 出去，其實在呢度做野真係好大壓力，上次做錯左，搞左人地匯多左幾千蚊英磅，已經好大件事，做 e-banking margin 果part 的同事真係好大壓力，上次只係整少個制，件事已經上左金管局…… @.@

在度最好的地方，係得到唔少股票資訊，講真我向來都唔玩股票，錢的野，都係交俾專業人仕去管啦，我總唔信我的眼光會好得過D 基金經理，所以一直我都只係買基金。

今堂網球終於教開波啦，好勁呀，開左好多球Ace 呀，因為另一邊無人接……

悶熱

呢張相，最唔滿意係cut 左腳，但我都無辦法了，事關我已經訓左落地……

飲完酒第二朝要走去影相，原來係件好辛苦的事。

查實，我估唔到在d 去西頁的車都會撞到同事的……

入左西貢影相，今日真係原全無mood 影相……個天想落雨，落雨唔係最慘，落雨之前果種悶熱，先至係最得人驚的……

X-pan

近排迷上左x-pan, 一部影全景的相機，其實我不嬲都唔會買D 好貴相相機的，呢部係唯一……

但萬幾蚊，真係好很甘…… >.<

要忍手要忍手要忍手

Momoinc 狂罪

嘩，頭先打開jacky D 相，嚇死我，睇第二張相，點解張相可以咁黑，真係唔好迫我講句﹕斬佢隻手落黎…… 好彩第二張正常番少少，抵錫呀Janice..........

皇上個龍咀，都真係幾鬼好咀的……應該為難下我，French Kiss 呀嘛……

柬埔寨，除左地雷多之外，其實真係無咩特別，但點解winy 同ivan 都會去架呢？奇……

歐洲，查實我想去，但講真其實歐洲無論幾時去都係一樣，所以都係遲下先去啦。

唉，人人都去旅行。

去就梗係去南極啦，五萬蚊ja 好抵呀…… 即係我覺得，我去完真係唔會後悔駛左呢筆錢law, 一人世物一世，真係去過南極的又有幾多人呀，去Nepal 果個base camp 都差唔多咁的錢啦。

可惜，我無錢可以俾我後悔…… >.<

塔門

終於唔駛訓街，終於有飽飯食，重有180度大海景，正。

哈，夜晚綁D lightstick 上隻風箏，變左隻螢光風箏，成個camp site 的人都走過黎讚……呵呵。

其實，七級珠，做低分的，真係好鬼辛苦，搞到我成晚都講唔到野…… : (

Killer，原來有人真係好戲成咁……

Tennis

昨晚發神經想聽返笑談廣東話，load 左幾集落 iPod 度，經手就出事啦，搭車聽的時候笑到好似個傻佬咁，雙眼就不嬲都及女架la... 加埋就變左係一個變態佬。

突然好轉做亞加斯，走左去take 網球班。

我有壁球底子，其實基本野都係差不多，都唔難拿握 ge........ 成個網球最辛苦的地方就是執波，真係好多波要執。

Blogger 終於改左版

Google 終於都出手，Update 左 blogger, 查實Google 的野無奶油係咁，個blogspot 真係完全唔掂，而家轉左版，好用左好多，真係差好遠……

欄杆文化

舊年攝於銅鑼灣遊艇會對出的堤壩，果次，差D 跌左落水…… XDDDD

近年影相見到的一種文化，就係，香港，太自由了，Media 越來越大聲，任何無問題的事，在封面加上竟然兩個字，便變得不合理，例如﹕阿Sa 公然與無賴交談, 方力申竟然坐上跑車，神色鬼異……

所以，政府亦越來越怕死。

上個禮拜去灣仔睇煙花，駛唔駛封得咁誇張，在離海邊廿呎放鐵欄。

我去大坑影火龍，欄一年比一年放得多，最後唔去影了……

去長洲睇飄色，D 路越封越離譜，不過好彩我地都係有辦法混入去的……

好彩，香港無潑水節。

想像一下潑水節探取人流控制，用水馬分隔……

好彩，香港無奔牛節。

為安全計，牛同人將分流管制……

韓國農民就深深咁體會到呢種文化，所以當日拆左D 鐵欄黎做鐵枝……

塔門

查實我班 fd 的毅力真係好驚人，個塔門二日一夜訓街團搞左兩年，都未搞得成，但由於上次又係兩日一夜的訓山吊燈籠團，訓街的感覺實在太可怕，今次係變左wild camp......

塔門，終於都搞得成，不過我個 tent 去邊度找好呢…… @.@ 唔係又要訓街呀……

呢張係一年前吊燈籠團的遺作……

戀愛癮君子

癮呢個字，大家會即係聯想為毒品，賭博，但心理學上，戀愛也是一種癮。

經常聽到有人失戀時會茶飯不思，整個月失眠，患上depression, 自毁或者拿起把刀切左人地寶貝的行為(<-- 呢個最唔要得，人地重要找食的)，我地唔難明白，其實呢種癮的破壞了的確好驚人。

癮，其實係過份的 passion, 當一個人，無論係遇到毒品賭博情人，覺得，記住只係覺得，而未必係事實，可以幫自己逃避壓力，不開心的事，或者可以增加自信，身體就會分秘出一種hormone, 呢種hormone 壓抑大腦處理理智的部份，令我地keep 住去做一D 自己都覺得傻的事，即係果D 曾傷我最深的人，偏得我心。

passion, 其實每個人都應該有一個，我的passion 係creativity, 對很多創作都會非常欣賞，passion 變成一個癮，其實只係為左填補自己心入面的不足。所以，要脫開呢個癮，最治本的方法，都重係從不足的地方入手。

希望你明啦下，當你愛的一個男人，愛到無左自己的生活，其實問題根本在於自己。

回首

從來無諗過你會後悔當初的決定。

或者你會覺得好奇怪，點解你當日要走，我完全無留過你，那是因為當日你真係走得好開心。

既然係咁，點解又來找番我？

Sorry, 我唔會俾自己做一個水泡。

你的問題就係在於你太索太靚女，好難找到一個對你真心。

中國城

今日同同事講起幾年前的一件事，當時中國城重在尖東，未搬去澳門。

當日我行過尖東，忽然有人拍我，我望過去，有二個大陸人，佢問﹕

喂，中國城應該怎樣走？

(點解佢會問我架呢)

我答﹕果邊 (其實係點左佢去科學館果邊)

(佢真係睇得起我，知我成日去中國城，識途老馬，但其實我係去開砵籣街架ja.............)

Smiley Central

OK 有得換，平時換Kitty Garfield 我唔會理佢，但呢個我真係好有興趣，不過暫時都係儲得三個。

愛得太遲

唔好以為我會話呢首歌好有意思，呢樣野唔駛我講，好多人已經講左。

唔知又有幾多人記得shall-we-talk 的歌詞？有幾多人在聽完首歌之後一年會記得？

兩首歌，講的野都係差不多，其實唔好期望一首歌可以改變到D 咩，只不過而家十首歌十首都講愛情，間中講下友情親情的歌就好殺食咁解。

人，老實講係唔會唔得閒，佢只會把時間放在一D 佢認為重要的事，其實每一個人覺得重要的野，通常就係童年失去的野。好似我咁，細細個唔俾出街，阿爸阿媽思想守舊，所以我覺得重要的野叫 innovation, 有D 人細細個阿爸阿媽唔理佢，所以重要的就係 relation

通常一個人都係經過一D 大病，先至可以體會歌詞入面，世界有大多東西發生，不要相信一切有下次。我隻耳仔total deafness, 前後只係一個禮拜的事，好幸運咁深深俾我體會到呢個道理。但總唔可以強求其他人都明白。

最近老闆竟然話我點解放工咁準時走，呢個係咩世界，準時走都有罪，我幾想答番佢﹕你都有屋企人有朋友架？但我明白佢係咩人，佢最重要的野係 achievement。

人，最緊要係做一D 佢認為重要的事。
但可惜，大部份人都係聽人講話咩重要就做咩，最慘的係，更多人連咩對自己重要都未知

Life is a daring adventure or nothing............

仆街

仆街一﹕見到你只會不停數同事，朋友的不是，最慘的係連佢自己都數埋，成日話自己呢樣唔掂果樣唔得，但其實D 野係未試過的……

仆街二﹕明明男人係咸濕，一見到有人偷拍阿Gill ，就企出黎鬧人，唔記得左自己講過，我只係做左D 所有男人都會犯的錯，搞大左人地個肚

仆街三﹕一個(通常係男人)在人地面前係咁講D 好 technical 的野，唔悶死人唔停手。佢地其實好可憐，因為佢地唔明吹水係based on mood, not on fact........ 但佢都係一個仆街，因為真係好悶…… 其實講穿左，佢地只係想 show 佢地有幾叻。

但佢地最唔明的係，認叻的男人會不停咁在女人講好多野，真係叻的男人會不停在女人面前做好多野。

仆街死﹕黃綠醫生

iPod nano 2

近排，查實真係唔多開心，買左D 野tum 下自己……

iPod nano 2........

wakaka...........

試機，download 番情人反擊中心黎聽……真係聽幾多次都咁好笑……最好笑係煲chocolate, 有人打上去，話佢女友上年煲chocolate 俾佢飲，佢飲完肚痛，今年佢又話再煲過……@.@ 問森美點算，跟住森美答佢，飲你就一定要飲架la, 盡情咁All 啦你…… XDDD

: (

I can't change the wind, but I can adjust the sail.

呢期係我情緒的低潮，或者我將太多的野放在自己身上，too care on something will lose it.

呢期的心情我只可以用一個字黎形容，屌……

離奇失蹤

我前兩日打個篇野去左邊？ >.< 咁奇怪的……

我班影相fd, 好耐都無見啦，自問對攝影的興趣已經無以前咁strong....... 大家原來都成半年無影相了……

Maxim 的封面竟然係Kary.......... 邊有雜誌會倒自己米？我想買都買唔落手喎…… >.<

Disney 一週年，睇返D 相，哈，好搞笑，原來有人戴住帽真係影左好多相，但佢真係好似變左樣。

科技頻道

近期令我睇上眼的科技產品，叫 iPod 同 Wii

創意的確係呢個世界成敗的關鍵，Steve 哥，呢個apple 的老闆，當年apple 輸左俾Microsoft, 係因為佢的離開，而apple 從新有錢找，係因為佢幾年前出左部 iMac, 近排又出左部 iPod,

iPod 其實唔係咩新野，佢成功的地方，係能夠將一部只係三四百蚊的MP3 賣到成千幾蚊，Design 唔算係好熱，只係將女仔買野最重要的三個element, 叫白細圓，套用左在一件科技的產品度，女人錢易找嘛，咁梗係找唔少啦。

Wii, 係我真係欣賞的遊戲機，我重係沈迷打機的年代，紅白機係我的至愛，好可惜後來任天堂太跟風，後來出的gamecube 等等，都只係向靚畫面著眼，所以lose 左俾playstation, 後來出左一部NDS, 簡直係任天堂的大返身，因為佢的game 真係有好多玩法，如果唔係我坐車打機會暈，早就買左，睇黎買 Wii 呢D 錢都無得慳。

學校趣事

睇完zizi 的中學趣事，忍唔住，又講下先…… 講明先，我不嬲口才都唔好，溝女主要靠個樣，表達得唔好請見諒。

話說唔記得係中幾果陣，有個叫 Jeffery 的同學仔去外國讀書，尾一日帶左部好Pro 的相機(當時我未識影相，而家諗返應該只係一部傻瓜機) 返黎影相。當大家打算去禮堂影相的時候，醒目的Jeffery 哥忽然發現女廁門口有件排包，想必有女生留低，眾男生當場起哄，有位同學忽然跑返課室拿粉筆，好嚴肅話﹕呢個係好重要的證物，跟手在排包隔離畫左個circle, 為保留證據，即係人證+ 物證，我地一伙人，即係由原本四個變左做差不多二十個人，黎左張二十個人同排包的大合照，呢個創舉成為左當年學界一時的佳話。

另外，重有一個dic dic 妹，中學年代，由於我地的女生校服主要顧及香港的酷熱情況，選用白色好透的的確涼，所以好多人都會著一件藍色的盔甲，但呢個dic dic 妹，可以話係婦解份子的首領，從來唔戴bra。原本在炎熱的summer, 的確係一件賞心樂事。

但問題就係阿dic dic 妹豪邁過人，樣貌實在「可人」，當年小第尚未認識小甜甜，但回想實在有幾分相似，更聞說 dic dic 妹曾經因為無帶吸油紙，竟拿出排名頂替，云其吸油力強等等，其於環保上的努力，實在得到地球先生的讚賞。

我要淫

XDDDDD

既然你遊完埠返黎，實在應該…… hmhm........ 灌唔醉你地添…… 無 4 play 玩……

呢D truth or dare 先至係路架嘛……

鋤D -> 十三張 -> 抽隻牌鬥大 -> 抽隻牌鬥細 -> 打地主 -> 傷心小棧 -> 射龍門 >.<

好彩起到身返工

荔枝+ 七喜

荔枝+ 七喜……威力唔可以睇少……

有無人教到我？我點樣可以講野滑D ? 加奶得唔得>.<

點解我找唔返果個升中六的妹妹仔……???

計劃成功

推左食飯推幾轉，佢都重係要約我。今次做戲都算係咁，真係悶到佢死，睇黎佢以後都唔會找我。

要一個女仔唔鐘意你，原來悶死佢真係最有效的方法。多謝zizi 提供寶貴的專業意見，不過如果你要我同你去酒池肉林食din，果度好grand, 唔該你穿deep V 先好出黎。

條Dior 鏈，我真係打算當係生日禮物，但主角收左SMS 唔reply, 咁係咩即係唔要？Vivienne 你三日唔答我，份禮物就留番下年……

靚靚你唔需要懷疑，你絕對cute 過楊烝琳

弱聽的好處

1) 訓覺訓埋一邊，就係一個完全安靜的世界
2) 有人說自己壞話，唔駛扮聽唔到，因為真係聽唔到
3) 觀察力比人強，令我可以用相機去o厄下女仔
4) 好容易分心，發白日夢，D slogan 會比較有創意

簡單D 去講，單邊失聽的人就係二十四小時置身在一間鬼屋入面，你永遠唔知危險會在邊度出現，因為係完全無方向感。所以，你叫我去玩鬼屋係無用的，我試過一次，只係識同嚇我的人握手，完全唔識驚，相當無引。

我唔知最近做野的問題同弱聽有無關係，在陌生環境的確係比較容易分心，做錯野，但我真係唔想係因為咁。我一直都唔想人地可憐我D 咩，比我咩特別看待。

但睇黎，今次唔講唔得，因為我係咁連續爆鑊，實在需要一個比較奇特的解釋…… : (

我一定要克服呢個問題，你睇住黎……

影錶

好耐無上newsgroup 睇相了，又找到好多好野講下。

上攝影堂，Terry 話錶係最難影，因為錶邊錶面都反光，但錶帶通常又深色，質感好難出，打光太硬又會變左膠錶。又要做番D 黑邊。

最特別係通常影錶都會將佢較去10:10 ，D 人覺得靚D 喎。

今時今日人人都有部相機，呢D 相機都相當方便，需要只係按一下。自己就唔會覺得影相有咩咁難。但就係呢種「我又唔明點解大家都係按一個掣，你影果張真係好D 喎。」感覺好得意。

Fuji-Q

Fuji-Q 新過山車，我淨係玩過舊果個，已經嚇死，呢個唔知有咩反應，我估都應該無，因為係唔識反應。玩過過山車大亨的我，知道呢個叫Twist-loop, loop上最高點，頭向下Twist 一下變左向上，再衝落黎。 >_<

都成五年無去，真係好想去多次。

靚靚

Happy 18th birthday to pretty momo. ^^

Hope you can receive both money and color.

美女廚房

Jessica 上左美女廚房播，對上一次撞到佢係在Times square, 女仔真係越靚就越鐘意打扮，越打扮就越靚的。都算係咁啦，我投左佢三票…… wakaka

睇左志宏飯局-李克勤，我鐘意李克勤真係鐘意佢夠直，俾人問點解鐘意盧淑怡，一句﹕因為佢靚lor... 男人都係咁，十個有九個都會答咩內涵咩性格。其實真係唔駛多諗，原因只得一個﹕靚，我就無咁膚淺的，多一個條件，就係有身材，Jolin 咁上下就ok 架la。

我個電話得1 個 1 字，點解都會搞到咁煩…… >< 生得靚仔係無罪的……

唔開心

呢排，真係幾 down,今日又爆鑊了，做到十點幾。

其實我已經好俾心機做，check 得好少心，但點解都會錯架le? 呢個係我問左自己廿幾年的問題，除了可以話弱聽的人係比較易分手之外，我諗唔到第二個答案。

真係勁無奈lor, 已經check 左幾次，但人地check 完一次又係錯漏百出。最無奈的事，係你好盡力做，但做出黎一樣係唔好，其實我係咩真係唔適合？ >.<

其實點可以令自己做野的時間集中D？咁落去真係等人炒架喎…… : (

俾我悶親的人，sorry, 呢排我真係搞camp 搞人搞生日會都無mood............

參賽歌曲

正如李克勤講，以前的偶像派，點都有D 實力，唔似得而家周麗淇果類，出碟= 製造噪音

如果無記錯，呢首曾經係我玩歌唱比賽的參賽歌曲。 ^^

還要將　 這雙眼如何俯瞰
然後才可　將猜疑都變信任
還要等　 雙手再如何拉緊
不說話也可和你熱吻
還要經　 多少放任和寬恕
然後才可　將安全感覺抱住
還要經　 多少次和諧相處
不見面也可學會獨處
用最孤獨的心　換最溫柔的愛
我仍然盼待　 何時才發現
就算天涯海角　都可能覆蓋
我們難道沒信心　這樣愛

還要講　多少對白來撫慰
難道言語　竟比內心更美麗
還要將　多少愛埋藏心底
感覺便會保留到下季

做偶像派要我理想

http://youtube.com/watch?v=eC3354h5duo
經典中的經典，會考講座

A:講座呀，講左啦喎，今日1/8 呀嘛，講完啦喎。
B:我問你講座呀，你又話我講左。

A:你係咩今年會考生黎架
B:我爸爸係

最搞野係阿葛屈個staff 整喊佢個仔。

A:有無呢本呀？I teach you in a spanish way
B:無喎
A:下？你呢度咩都無架？賣咩架？
B:呢度主要賣工商管理的
A:咁呀，有無呢一本呀？呢本係講工商管理的，你抄低個書名呀
B:哦好
A:I teach you in a spanish financial way
B: 無喎
A:下？呢本講工商管理架喎，佢個書名係咁，但佢裡面講工商管理架喎
B: 無呀無呀，I teach you 都無呀。

牛一

賀靚靚 18 歲牛一，祝財色兼收

黃綠謹啟

this week

zion 呢張相，真係正都震，我好鐘意。

好過份，有咩理由去新港射籃球得17 分，都話我打完squash 無晒力架la, 真係波都舉唔起，下次要認真D 先得。

前幾日有個成年無找我的人問我追相，咦係喎，原來我未俾番D 結婚相人，人地都結左婚三年啦喎。^^ 前半年都重記得ge, 話不如寄俾佢，不過諗諗下D 郵費好咁，又要落街買個公文袋，最好都無左件事。

份工，其實我真係好擔心，成日都覺得自己做得唔好，唉好後悔自己三年黎咩都好似無學過咁，係咩俾左太大壓力自己呢？老老實實我從未對一份工會咁認真，但咁樣可能有反效果。

seeing is believing, but we see what we believe.........

撞車

以後唔好咁傻，睇場戲 je, 唔駛咁大犠牲

套撞車真係好好睇，雖然我唔係身處美國，唔知racism 有咁嚴重，但真係幾意想不到。
係一套我真係識欣賞的拿獎片，好勁呀…… ^^

傾左成晚，真係好好多了, thx

....

好彩最後都無事……嚇得我，我真係唔可以無左你呢個最佳損友，最多我俾左條命你。

你好快D 番黎同我去check 耳仔呀，呢排D 幻聽勁左好多，我遲左去check有事就入你數。

施丹，咁樣俾人趕出場收山，樣衰左D 喎。

法國法國

原本真係想睇埋巴西先走，不過基於我的朋友大頹廢的關係，都係俾佢地返屋企啦。

好彩趕到番黎睇巴西je, 在TST, 痴線的，有錢都搭唔到的士，D N 車又滿晒座。

巴西，輸就係輸在太多球星，球星多有個問題，就係佢地無必要為你搏命，唔似好似 Ukraine 咁，入左 8 強，每人都有220 萬，咁梗係死人都搏命。

佢地成班友仔，俾人入左波，都重係施施然咁打，得番幾十秒都唔大腳谷上去，咁抵輸啦。

法國入左好呀，我好鐘意施單架，佢warm-up 左幾場有番水準，巴西都唔係對手啦。

果然係咁，初賽打得好的球隊，通常都入唔到決賽的。

Portugal

其實大家在世界杯其實真係唔多需要約我，無咩事，除左睇波，我唔會出街的。

我係一個睇波唔睇星的人，你問我果隊有邊個球星，我真係唔知，咩原來費高係國際米蘭架咩？在我印象中佢係巴塞架喎…… haha

呀肥仔今以大look lor, 又好似碧咸咁，因為一時忍唔住氣俾人趕出場，受盡千夫所指，又係的，一腳係咁踩埋去，踢場波唔駛搞到人地絕子絕孫下話。

高治，原來真係得個高字，其實Rooney 一紅牌阿教練都餚晒底架la, 佢打451, 前鋒都俾人趕埋出場，換左個高佬入黎，呢條友係高，但頭搥係廢的……重有佢係無方向感的，次次俾人迫下迫下，就帶波返左自己半場。 >.<

英格蘭，其實成屆都打得唔好架la, 出場係應該，之但係英格籣唔入決定呢，少左好多女球迷出街睇波架喎…… >.< 昨日坐我地隔離枱果班女仔都幾好波架ma...... 一見到碧咸真係尖叫，頂佢地唔順。

好忙

唉ya, 周星馳同學會馬交行 同 Mo 法 Mo 天夏令營撞期添，無得去…… >.<

呢排BT 真係好忙，因為 broadband 去到 100 M 的關係呢，令我開始接觸 Hi-def 1080 的 movie, D 畫面真係靚到呢，好似在戲院咁，不過一套10G ，都要download 成個鐘，今晚真係好唔得閒，一邊睇意大利，中場抽D 時間黎睇套智能殺機，即係上年講隱形戰機果套呢，又幾好睇架喎。

意大利都唔係太得，應該都係八強止步架 la.......

我個上戶彩，幾時睇好？

情人知己

谷下收視先。

情人同朋友，男人會用最初的五秒去決定，女人會用五分鐘去決定。
過左呢個時間，如果無所謂的 initial spark, 其實做咩都唔會 work

誠意，只會增加 attraction, 絕唔會 create attraction，絕對無感動返黎的愛情。

智能身份證

妖…… 影個陣 screen 果張相明明唔係咁，點解會出事架？ >.<

病病

星期一返到公司個肚好痛，痛痛下都係唔對路了，要番屋企，番到屋企重慘，又發燒又嘔，好耐都無試過咁辛苦。

而家都重係有D 發燒。

救命呀，miss 左好多場世界杯了，無得捱夜睇好波…… : (

今日走左去中銀開戶口，拿黎試自己個 internet banking, teller 果兩個姐姐，一知道我地在中銀 IT building 返工，即刻好似好熟咁。

個大肚 teller 話我地阻住佢食飯，跟住我咩話law, 咁你去食啦，個細的唔餓得架。

然後又有個 teller 在度串我:
Teller : 喂你到期換身份證, 點解重係俾張舊的我？扮細呀？
我﹕我換左未拿je, 點解你咁熟ge, 你睇落唔似要換喎。
Teller : 即係話我細呀嘛？我十八歲果年就換左啦……

XDDDDDD

Life Style

今日本National Geographic 寄左黎，有篇文幾得意，講歐洲人的旅行習慣，歐洲人因為假多，average 有20 日annual. 德國最多，有24 日 @.@, 即係成個月。所以德國人都係去得最多旅行的，連埋D public holiday, 每年去的地方平均有20 個。@.@

有次同 fd 傾好唔好將影相當做一種工作，我話年輕人最忌係將興趣變成自己的工作，因為你會連呢個興趣都無埋，所以而家間中接下D freelance 咁的方式幾好。

我個fd 話，成年人的最大問題，係將工作變成唯一的興趣。 XDD

好明顯我係無呢個問題，而家最慘係無得去西藏，個 friend 找到四個人應該去得成架，妖，我份contract 鬼死咁刻薄得七日假，點走喎。 >.<

追數

拖數的人真係好討厭，但無耐freelance 拖數真係一種習慣。

之前個 flash, 到期收錢，再之前一個 freelance, 半年前影fashion 相，都係未收到錢。我個fd 成日叫我唔好做到咁串。

點解佢可以叫我準時交貨，我唔可以叫佢準時交錢？

If you do not settle the invoice with 7 days, we will proceed with legal procedures. <-- 呢句都不知寫左幾多次。

下下都要收到法庭寄去的答辯書先係俾錢，正扒街黎。

新工作

@.@ 所以話，做IT 真係為事業放棄色情的，返新工，成層樓百幾人得果兩三個靚，妖……

好彩，同人地darling 近水樓台…… Hm hm..........

今日原本打算遲少少走，扮下勤力，點知我個supervisor 一放工就走，咁我都唔好意思留啦，咁又係，有得走就好走了，OT 果陣O 到十點。 >.<

初步睇落個supervisor 幾nice, 聽佢講野都係講道理的，最唔滿意係部電腦 law, 有無過份D, 上唔到網，我做 e-banking 架…… >.< 希望set 好D account 之後上到啦。

無返工半個月，好唔慣，呢排睇波個生理時鐘又唔o岩喎。

原來我真係幾熟日本架播，但有人要將我7日東京+ 5 日阪京戶，要在 7 日去晒，再加橫檳富士急，未免真係有點兒玩野。

Photo project

http://www.pbase.com/dryg/hidden_place
今次真係威，影成輯相都望唔清Model 個樣。
不過我想影的，其實係我心目中的 idea, Model 從來都唔係主角，我的 idea 先至係。

班友點做野？

HP 真係好，知我要睇世界杯，打黎叫我遲兩日先至返工…… >_<

都唔知佢地搞咩，份約等左兩個禮拜都簽唔成。請不請都係一句je, 好難講架咩？

我的假期又多兩日。

評評評評

呢套AV 絕對搞笑，絕對比平時果D 半個鐘頭片有十五分鐘自我介紹的爛片吸引，平時唔睇開的都值得download 黎笑下。

終於睇完本Angels & Daemons, 真係幾緊張播，坦白講臨尾個結局就有D 亂黎，主角有咩理由咁都死唔去。論故事就真係呢本好D, 可能我自己係理科人，鐘意D 高科技掛。

睇左Isabella, 初頭以為拿獎的戲一定好悶，但整體都ok, 唔似得王家偉果D，半粒鐘都係影緊個橙，跟住半粒鐘影住個蘋果。佢所謂的藝術，其實都只係在兩個主角講緊對白果陣，部cam 就focus 在株樹度je, 呢D 叫懶藝術，平時自己影相都係咁上下。全套戲最好睇真係Isabella, 原來佢真係好好好索架播，我睇佢本寫真集果陣都唔覺ge?

Eason DVD 呀，正呀正呀，一見到諗都唔諗就買，主要係因為佢 3 x D9, total 27Gb, BT 有排download.......... 查實concert 都有o念過睇，不過佢同hacken 同期開show, 實在令我呢個fans 有D 為難，唔關要啦而家買番隻DVD 支持你。

執輸

香港人好怕執輸，
車未停定，船未停定，一半人已經企左在門口，果然時間就係金錢，
但落左車，佢地行得好悠閒

但正係因為我當天選擇執輸，先至比人睇得更多，影得更多。

心理分析，為何女人喜愛掐男人

http://www.psytopic.com/mag/catalog.asp?tags=%E5%A5%B3%E4%BA%BA

>_<

Suki

呢排真係成日都見到Suki, 無論係一本便利同埋電視都係，Suki 都係靚女黎ge, 重要好好身材。最慘都只係一塊包包面，其實佢參選塊面已經瘦左，第一次見佢，真係好似放左兩個氣球入個口度咁。佢出道做Model, 第一次應該係Tango 有份搞果個IVE fashion show, 講做Model ，佢一百分ge, 樣靚身材正，又讀design 出身，影相果個要D 咩佢都會get 到，但香港小姐，佢學歷就爭少少。

(張相在石頭度偷番黎 wakaka)

Men from Mars, Women from Venus

最近睇心理學的書睇番黎，幾得意。

1) 女仔作決定的速度比男仔快
2) 俾人打劫，女性反抗的機會比男性高25%
3) 女仔到家門先會拿鎖匙，男仔一早就會拿出黎
4) 划火柴，大多女人會劃出，男人多數劃入

妙問妙答

話說有一日天氣忽然轉涼，個男仔係巴士站等個女仔收工，接過女仔後買左三件嗅豆付去公園座，留意：女仔無帶褸；個男仔開始打開嗅豆付個袋，但係無問過個女仔食唔食，條女已經谷住氣，仲開口話好凍，但條仔竟然話”好睬我著左件褸”，於是條女發皮氣走，返轉頭買三件嗅豆付上樓食，但係估唔到，當買嗅豆付既阿婆話５元時，條仔都唔識做，仍要條女自己比錢

Long vacation

得一手BOC, 我同家姐夾，點分好？都係俾佢啦，我等佢開市先再入好過……

其實都真係幾擔心，HP 果邊忽然間話個staff 放假，份contract 未搞掂，叫我唔駛返工住，@.@

連個天都唔鐘意我，聽日係一年一度我去stanley happy 的日子，年年都玩得好開心，今年竟然咁的天，拿之後任落我唔理你，聽日你生生性性好天一日呀……

bb100 果然係勁，四個字同我download 左隻獨家試愛番黎，又真係幾好睇播，越睇套戲，你就開始明白點解會咁多人都似stephy, 原因係因為stephy 真係好普通，佢穿果套空姐制服個look, 話真係嚇Q 死我。套戲再一次話俾我知，眼神係o厄唔到人，曈孔放大呢套theory 係work 的…… ^^

Angels & Daemons 又真係幾好睇播，睇到緊張位，其實呢本書拍做電影，可觀性真係好過達文西，事關真係有好多高料技場面可以拍出黎，唔似達文西成日一班人在度吹水解釋劇情。

五卡鑽戒

糧尾請我食高級吉列，萬分感激，唯有奉上五卡鑽戒，張單寄返俾你呀…… ^^

NDS 真係幾好玩，好鐘意佢個split screen 同touch screen, 出左Mario 3, 打機打大的人都應該好想玩，但無奈我搭車打機會頭暈，無理由買部NDS 在屋企打咁威架……

未解決未解決未解決……

果件朋友仔，安慰的說話同你講左好多啦，難聽的都講過啦……
我都明的，果件仆街真係好識溝女，又難怪你離開唔到佢的魔掌的……
分左手，得閒又打黎等你對你好好，得閒又完全唔找你，得閒又打黎話佢條女送左咩俾佢……
呢D 人間極品啦。

我只能夠講句，你遇到的係一個無良心的高手……

我俾條繩你，好用力咁拉你上黎都無用，問題係你自己在個井裡面，根本無捉住條繩。

祝你好運了……

Crossroad

我到底要simple life, 定係要多姿多采的人生？

HP 今日打俾我話BOC in 完我，ok 無問題播，問我有無興趣，即係都請左八成……

靚靚都幾了解我播，話我其實都係想做。

搭車返屋企的時候o念左好耐，的確係的，人工其實一樣，不過HP 果邊做就升左一級。

其實我份工真係懶左兩年，真係好驚入到咁stressful 的公司會唔慣。但我覺得做人o念野要 positive, 都未試過，唔可以咁快打定輸數。

如果捱到一年，高左一級做AP, 大公司experience, 成條career path 就會好好多。

好感謝神，我想找個senior D 的position，佢真係俾機會我，我唔可以令佢失望的……

人地darling 就有排受了，我接硬你放工架la................ ^^

Isabella = 靚, Maggie Q = 靚
Isabella + Maggie Q = ?

BOC

份工開始感受到工作壓力，個deadline, 邊有可能趕到架。不過我一於少理，一樣係放工準時走……大家都係呢個時間走，我無理由做壞規舉…… ^^

聽日交完BOC 股票份form. 就去BOC 見工，見到的話又真係唔錯，HP 請我去BOC 度返工，但一定OT 到七彩，But anyway 佢請我先算。

入火炭見工，打算同人地darling 食lunch, 佢真係愛我架je, 又一次令我傷心……

今晚終於認認真真落手做我下一個photo project，同model 傾左半晚，其實我真係成年未搞過呢類design, 好多野好似重新學過咁……

達芬奇

嘉達果然係強勁，睇戲之前幾日用極速睇左兩三頁Da vinci code, 預先今日OT 會遲，入到cinema 剛剛好無overlap 到…… ><

套戲當然未去到我的最愛saving private ryan, gladiator, braveheart, i-Robot 果D 咁的級數，但都叫有幾緊張，有D 位真係幾驚嚇。我呢D 就醒呢，唔睇書，無期望自然就唔會失望，成套戲都叫做水準之作。

宗教問題？其實總唔明白點解D 人會咁敏感，我個fd 直情話唔睇，一套戲，都明知係虛構，何需禁播。都唔係唔知人係犯賤，你越禁，D 人咪越想睇。

今次絕對係對號入座

一次又係咁兩次又係咁…… 過份!!!

咁大個都未明咩叫 point of view? 你自己影相都要學啦，同一件事要用唔同觀點去睇，只係得一個觀點係right ？

成段野無一個字提過你？關你咩事？如果你自己唔係咁o念，點解可以將呢句說話link 到去呢件事？

就當你唔係咁o念，咁你做咩要理人點睇？你到底為自己而活定為人地？

最緊要的係，就算真係有問題，咁都只係關我事，關其他人mug 事？

唔好再搞人，有咩唔滿意你就找我……

抄畫的藝術

既然大家相又抄，畫又抄，在度俾D 指引大家……

1) 寫錯字請用塗改液，咁樣劃兩條線就算有欠美觀
2) 請尊重火柴人藝術，件T-shirt 唔夠火柴，穿上火柴人身上係一個好重的負擔
3) Sorry Girls, I'm Gay 呢個斷人米路的野，唔好亂用……

呀唔知幾時我幅畫會有得BT 呢？

新工

返左新工一個禮拜，但我依然找唔到個廠車，佢實在係神出鬼沒，比一個老鼠更加狡猾，無論我在邊個站上車，佢都總係要避開我，唔鐘意我你就開聲，咁樣避落去唔係辦法的…… : (

間公司真係好有問題，MSN 呢D 正經野就唔俾我做，係都要俾D 濕碎野我的……

講真呢份工，講前途係好過之前的一份，之前果份，除了學識活用MSN 的 icon ，即係 : ) : (
: ' ( ，同女同事吹下水，基本無咩學到，都係時間學返D technical knowledge .........

其實講左咁耐，最唔滿意係成個department 都無女同事…… : ( 我地department 又自閉自己一間房喎……

Anyway, 多左幾千蚊人工，儲錢都容易D....... 我要去瑞士食瑞士糖呀……

一升的眼淚

睇呢套日劇，令我keep 住睇當然係因為個靚靚AV 女主角。呢套劇係真人真事改編，講一個女仔，患左一種好殘忍的病，手腳會慢慢退化，跟住係寫唔到字，最後係講唔到野。極之可怕。

好感動好感動。絕對推介，不過BT 2.6G, bb100 就一個鐘download 到，用緊10M 的就應該有排。

其實我真係好耐無睇聖經，但有一句我好記得，你不雖要知道明天會怎樣，你只需要知道誰在掌管明天。

D 人好鐘意去求神問卜，想睇下聽日會發生咩事，問神應該點去做。其實俾你知道聽日係點，可以係件好可怕的事，要問神點樣去做，倒不如全力去做，然後再睇神的安排。

都好耐無寫過D 咁正經的野。
其實寫一大堆野，係要話俾大家聽，我唔係淨係識得咸濕的…… ^^

Bottom Line

追女仔，要有誠意，但唔可以無尊嚴。

我想見工的道理亦是一樣。

呢次見工，實在太唔專重，明明係約好 6:00, 我 5:45 上到去，到了 6:30，我已經問左一次，但到 7:15 ，竟然仍未有人見我……

最後我直頭話我唔等要走了。

唔怪得佢地到7:15 重係成間office 都係人，呢個老闆根本唔識尊重其他人的時間。
_________________________________________________________________

個 bb100 ，搞咩鬼？上左五日就上唔到？好彩無簽 contract ............ 過份。
Netvigator 貴係有佢的道理，至少有問題好快有人跟。好彩Netvigator 未cut，唔係我真係興到七彩……

旅行趣事

easter 很多人都出晒出旅行

雲南途中遇見七色彩雲

http://images1.fotop.net/albums/ivan/YN06Pano/pano4_copy.jpg

難怪我個fd O 晒嘴 ........ XDDD



男或女、是與非、黑與白，在這裡並不重要


總之叫 Ric 買多件俾我…… XDDDDDD

今日去簽contract, 發覺原來自己o念少左一樣野，就係廠原來係放勞工假，仆街了，少左五日假……之雖然有個五日工+ double pay balance 番，但都唔係咁開心…… ><

昨日去左山林道食日式buffet, 刺身都ok, 重有果個好似用茶壼裝的湯都好得意。但個吞拿魚刺身係激難食…… 叫左一次都怕怕啦……

Victor 係一個幾friendly 的人，其實都只係同佢做左一個禮拜同事，佢已經不停咁拉我去佢D fd 的gathering, 最好係佢D fd 全部都係女仔…… ^^ 真得意。重叫我一齊去台灣旅行添喎，不過算啦，我志都不在台灣，飲飲食食的團唔係大適合我，一係我就今年九十月去雲南，或者下年儲夠彈藥去歐洲一轉, 一定要衝出亞洲呀，我最遠去到杜拜ja。

臨走前，一輪的SMS，令我傷心非常。

去錯地方

頂呀，好明顯我去錯左地方……人地影雲南番黎…… ><

http://www.pbasehk.com/ivan/YN06Pano

男女大不同

同一個完全唔認笑的人去睇Ice Age 2，又做左一次黃綠醫生

問題不在於你，在於佢je, 我幾時都話第三者係分手的導火線，但女仔偏偏就係咁，明明係個男仔得一想二，個女仔都會話係我自己都有問題，佢先會去找第二個架je...

唔好咁天真，男人，無論你有無問題，佢一有機會都會去找第二個的……天性黎，但天性唔代表一個男人無自制能力。

佢平時見到靚女望都唔望下？咁咪就係有問題law, 呢D 叫男人的天性，佢自己與生俱來，對於女人黎講係缺點的野，佢都唔接受，咁佢點可以接受你的缺點？

近期最愛

其實都有一排，上緊Prime and Prejudice (傲慢與偏見)

同事: 喂我昨晚睇左傲慢與偏見呀
我: 咦咁好唔好睇呀？
同事: 好呀，個男主角好傲慢，個女主角又真係好偏見喎。

係我近期聽過最有用的影評……

最近比較煩

Freelance

唔好玩啦，35 個man hour 的野要我用6 個man hour 做左佢，我做到你都唔敢俾客黎啦。

今日好型，趕freelance 實在趕到太夜，坐在地鐵昅昅下女訓著左，訓左去隔離果女仔度，俾人一手推開左……

_________________________________________________________________
我自問向來都係好脾氣，第一我唔覺得需要用人地的錯去懲罰自己，二來我覺得事情唔一定要靠惡去解決，三來每個人都會有錯的時候，好似前排就放左人地飛機，無論理由係咩，自己都係唔o岩。

但咁唔代表我可以俾人不停咁煩，好彩佢無我電話，但一開MSN 我就覺得好煩了。
我真係唔明，佢呢個級數的靚女，有咩需要搞到咁cheap 呀？><

終身美麗

我點會唔記得多謝你？只係打咁大隻字係需要D 時間的……

A RI GA TOU

同埋，都係我呢句，大恩不言謝，既然你要我同你講多謝，咁就唔係咩大恩，原本咩話同你影輯 dior elegance 的相 ge, 不過既然都唔係咩大恩，咁就由得佢。 ^^
___________________________________________

是你去喚醒我，努力才能被愛慕
但回頭目睹你，為我好自己不好

給我自信 給我地位 這叫幸福 不怕流逝
任他們多漂亮 未及你矜貴

玩一日，做一日

下次同呢班人打Badminton 的基本裝備﹕一個頭盔，一個網球拍，同埋一個便利雨衣，真係唔估到有人無情情做左噴泉。

X-cafe, 個cheese cake 都仍然係一貫水準。玩UNO, 今次都幾好呀，多人玩，我同大家都差唔多分je, 只係CEO的確係有D 唔正常。

hit side oven, 終於都見到相逄恨晚個男朋友，谷得超先生，俾我的感覺係…… haha

兩個鐘KO 兩個人，其實呢個目標係有D 難，不過估唔到又得左，千生要自隊咁就唔奇，下下都唔記得指方向。人地細路KO 得黎比較神奇，點會嘔完先黎lum？

飲完啤酒飲紅酒真係好難喝，我見D 色同個味都唔錯，但點解一入口會難飲成咁？
昨晚為左唔咁易lum 而早左訓，三點就訓，結果都係wing wing 地。今日，仆街了，做左成日freelance, 好彩都完左工je........

http://www.goodyeah.net/tinchoi/cat/milestone_v6.swf

宏村

旅程的第一天，宏村是第一個景點，亦是我最有感受的地方。

真真正正如詩如畫的風景。

最好的相係唔需要加上任何文字描述，自己感受一下啦…… ^^

海洋公園七天遊

返來了……

上次去夜遊杜拜之後，我買左隻關於水上樂園的game 黎玩，係因為杜拜個水上樂園真係玩得好開心……

今次，感覺係去左海洋公園七日……

大陸自以為最成功，但在我眼中又係最失敗的，就係永遠將一個好靚的地方變成一個找錢的地方，亦是所謂的旅遊點。你話佢自然又唔係，你話佢商業又唔係，都唔知佢想點。

黃山俾我的感覺，就係一個海洋公園，我已經係淡季去，但坐cable car 上山，一樣要等成粒鐘，D人多到，你在度感受緊自然，隔鄰就有幾十人，真係咩feel 都無啦。

重有係中國人好怕俾人影相，唔怕果D 轉頭就問你拿錢，非常麻煩。
其實我去日本兩次，去杜拜一次，呢個情況唔係咁明顯。我在杜拜，dull 口 dull 面影落去，只係你跟住笑笑口對住佢，大家跟住就會有傾有講，係一D 非常好的經歷黎。

其實呢個反映左一個民族的自信心，一個人 proud of 自己做緊的野，其實絕唔會介意你去影。

我在杜拜，even 一個搬貨的，俾你影左都會笑笑口對住你，但在黃山，我個fd影一個挑夫，佢即刻大喝: 你在幹甚麼。其實呢句野的背後，係覺得自己做緊的野好低下。

不過最開心的係，黃山附近靚女真係唔少。^^

My photo journey begins

希望到時唔會大叫: 你個仆街黃山，你阿媽做咩生得你咁高……

以前你唔會明點解人地買個三千蚊的carbon-fiber 腳架，咁輕要黎做咩？但而家睇見自己的行李，開始明了…… : (

十九號夜晚返到……

勿念
黃綠醫生字

請勿尖叫 ^^

呢張相，係今日影影下相無聊之作。一支閃燈，坐在公園個bench 度，搞掂，我最鐘意D 咁簡單的setting。你可以print 出黎，見到我就俾我簽名…… ^^

今日幫D 公公婆婆影婚莎相，好好玩。

D 婆婆就好想影，但D 公公，好明顯係被迫的……

D 相，靚就真係講唔上，但每一張都係佢地之間幾十年的故事黎，好似有個公公，一黎到拿住好多badge, 咁我就問佢係咩黎啦，佢話自己以前係抗日遊擊隊黎，個老婆都係果陣識。

你會見到一家人三代同堂影婚莎相，但個主角竟然係兩位老人家，最開心就係叫個細路女去婆婆度一齊影，好cute 好cute..........

出job影婚莎相就出得多，但玩得咁開心的，真係第一次……你會見到D 婆婆真係好開心……

若到某天 尚可合照
頭上都稀疏 都美妙
肥胖或者 眉毛漸少
一切外表 都不重要

同行共領會人世道理 假使一天不再飛
到公園中散步年紀 有老伴人是你

注意﹕請勿將上面張相拿作非法用途(例如打小人，焚燒，做飛標弝)

黃山

黃山我黎la............

不過老實，個trip 由5 日變左7日，7日，其實可以去雲南了……

原來黃山四月係peak season, 因為有雪，有雨，有雨就好大機會有雲海，唔怪得我地找酒店找得咁lei hei.

________________________________________

交左resign letter, 個人真係輕鬆晒，但今日重要留到三點先走得，非常灰。

你問我有無唔捨得，係唔多捨得，始終個上司好到無得再好，間公司又無咩politics, 我個position 又直接report 俾老闆，夠自由。

但始終呢個唔係一個有發展的地方。

_________________________________________

公司前排搞左個walk, 要勁早起身，個靚女同事就MSN 我問我去唔去，咁我就話唔好玩啦，7 點要過海，跟住佢話佢都唔去，死都唔去。

但轉過頭，佢個fd 去，佢又話去播，又話好好玩架，叫我一齊黎la..... ><

我當時只係笑左就算，但後黎發覺自己唔多欣賞D 易受人影響的人，以前都唔覺。

There is no reason apologizing for what you want. Go and get it......

點解可以話改就改架le? 人馬座的人永遠好難明呢樣野。點解自己的人生要交在其他人的手上？ @.@

右面的Link

剛剛 update 左個list, 由於人數過多，我只係list 左近幾日有去過的BLOG,
各位朋友，如有錯漏，請見諒……

edit 的時候，發現幾樣野……
1) 好多人用xanga .... 但我唔鐘意用
2) 好多hkfa 的人都開左BLOG
3) 男仔，特別係去到我呢D 咁老餅，真係好少開BLOG........... list 上面都係女仔fd 多……

___________________________
黃山用品list

雨衣.....
cupnoodle 啦..
trip 用的煲水機一個
腳架一支..
衫...足夠果隻...羽yng 一件同風褸一件..
爬山用gei 鞋一對
保鮮bag (可用作保護鏡頭入水問題...)
日用品..

仆街，原來咩都未預備……><

大家放心，我已經叫朋友幫我check 左機票，今次唔會book 錯時間……

新一頁

昨日收到offer 了，重要係一擊即中，係我近期 in 的第一份工。

人工，比而家多50%, 重要係五日工，13 months 糧…… ^^

但我就唔係咁鐘意做廠，其實呢間廠都好大的，幾千人，但始終返廠個感覺好似唔太好咁……

anyway, 星期五會去見cityline, 呢份，唔知點解，我幾想做。

IT 人，條路其實好簡單，Programmer -> 3 年 -> AP -> 5 年 -> SA

做左我career path 的一大步……

迷人pink balloon

個粉紅ballon 真係好正，好有幻想…… ^^

Chivas, Voka 原來唔係咁易估，唔飲開酒原來真係唔識。

宮刑係咩呢？

都話係十賭九騙，邊有人可能win 到莊架……

猜猜畫畫，傘兵, 挖掘 .....

internet booking 就係有呢個問題，只要你tick 左去隔離果格，就會book 遲左一個鐘……
前幾日我先笑我家姐book 睇戲book 錯日子……><

第一印象，又黎……

其實我真係覺得出奇，幾年前人地覺得我太正經，近排的人竟然話我唔太認真，重有就係鐘意四圍溝女？@.@ 其實我何得何能呢？同埋我只係鐘意俾女溝…… ^^

其實我真係唔多明，男人明明就係個個都鐘意靚女，點解個個都用順眼呢個字？男人咸濕根本就正常，唔咸濕的男人一係就基，一係就有病，男人，唔好只係識得咸濕咪得law

昨日問左好多人一個心理quiz, 你想做咩動物？你想你的老婆係咩動物？(唔可以係人)

我由細到大都覺得自己係隻eagle, 自由自在，但目標明確，一找到目標就拼晒命果D，
至於老婆，係海豚，海豚係點？聰明，cute, 善解人意

UNO 大戰第二回

真係幾年無飲過早茶，其實我隻耳仔manage 唔到一個聲音咁雜的環境，但果度環境叫做ok，唔算逼……

christine 今日著得幾靚，不過好可惜唔係因為要見我……><

一對情侶拍住上，情侶裝出席……

bowling, 終於明白咩叫隱藏實力，果D 話自己平時唔打的人，打左幾個全中番黎

UNO, 3x50, total 208 ，令我深深明白謀事在人，成事在天 (即係好講運) 的道理…… ><

果間cafe, 令我明白影相係虛偽的，因為上次睇果張相影得真係好靚，上到去又係另一回事，
環境其實都唔錯，燈光可以改善下……

Cheese cake, 總之上次Jacky 舊豆腐在呢度訂……

二心知呢個甜品，好扺食，有蟹子，不過隻蟹真係唔多得，生左條三文魚出黎……

浮誇

不嬲我都唔太care 人地點睇，但因為想改善下interview 個successful rate, 所以問左幾個人我一條從未問過的問題……

我俾人第一印象係點？

第一個答﹕ 淨誇
第二個答﹕ 唔認真 :(
第三個答﹕ 咸濕 ^o^

無咁誇下話？早知就唔問……

上司

神真係好幫我，我返工咁耐，都未預過一D 真正仆街的上司。

今日同老闆開會，我同佢講呢排根本無時間做自己的野，我要求將個deadline delay 到個新人返黎，佢竟然問都唔再問就話ok, 只要個老闆稍為唔識o念，都話知你死……

_____________________________
77664
靚女
Stylist

三個月後

今日，原本想挑戰個ex 去look lane, 但由於佢餚底的關係，最後都係無，食餐飯就算…… ^^

當日的離開，係因為覺得佢得到真正的幸福，佢真係個好得意好smart的女仔，只係我同佢夾唔到。

但三個月，首次見面，佢係咁話拍得唔開心……又無信心去讀個degree 考final

希望佢只係一時唔開心晦氣咁講啦……俾心機，雖然佢聽唔到，同男友嘈交叫係一時，但個degree 係一世的……

Phase 1 Completed

終於做完個 first draft, 而家得一個感覺, 好眼訓

Swire Properties Region Map

但都好開心，其實開頭我唔覺得自己會識做，但唔試過，我唔信自己真係唔得。

Exhaust

我的同事last day 了，即係話我又有排忙。

新人禮拜一先至interview, 有排先請到。不過都好，in 人其實學到好多野的。
我其實都好想出去interview, 但真係再無請假的理由。

呢個禮拜都真係忙到七彩，在公司又忙，返屋企又要做freelance, 呢個禮拜係咁俾人叫出街玩都唔出得 (sorry 啦zizi, 叫左幾次都出唔到黎，但我真係出黎都無精神玩) ，坐監，好慘，好想玩呀，黃山的黎緊架la, 忙完就黎架la.

最慘係個人真係好tired, 完全無精神，昨日真係誇，一返到屋企就lum 左，四點幾先彈番在身。

個人真係勁exhaust 添，點算…… 我心跳都唔少呀，應該頂得住的。

勁

Catherine, 好勁呀你，又一個衰在你手上……連細你兩年的D D 你都唔放過。 ^^

真係架，果日見你，真係好得，一個地球美女復活左。

下次同你出黎，化番個base, 似番個地球人得唔得？香港無ET 主題餐廳，唔知帶你去邊度食架。

Background music

有好多人都鐘意在個blog 度放background music, 但其實呢個係web design 的大忌，所以我唔會放。

但呢首歌一定要講，的確係我好鐘意的一首歌，千與千尋, 聽完真係好please 好舒服。

佢將一個melody ，用唔同tempo 唔同pitch dup 幾次做成首歌出黎 ，好得意

http://home.netvigator.com/~tychau/fid.mid

完美的一天

今日打番俾個 ex, 初頭都o念緊佢反應會係點。

其實離開不應再打搞愛人，真係對的，係對對方最高的尊重，起碼大家都唔會咁痛苦，好多人都問我，你竟然可以咩事都無，到底有冇愛過？其實分手果個電話，係好唔想佢走，但好記得佢講果一句: 我而家好開心喎，聽左呢句，我真係無咩理由唔俾佢走。我又唔係無左佢會死，同佢一齊，都係想大家開心幸福 je

今日傾電話，哈，佢重係一樣咁cute，可能我鐘意的女仔都係呢個type, 佢一D 都無變，不過俾佢話我口花左…… >< ，呵呵，挑戰佢，約佢打bowling, 但佢打bowling 好勁的，輸左希望唔駛以身相許啦。^^

Yeah, 黃山之旅，perfect 呀，原本佢地四個人有一個話唔去，多左個位，今日個假又approve 左，嘩，Mandy 果然係又靚女又能幹，我一話去，schedule, 地圖, 酒店飛機資料，即刻send 晒過黎，重要有plan A/B/C，重緊過D yo tour....... 寫個服字，做travel 的人係唔同D。

個web design freelance, 呵呵，俾我bargain 到個deadline, 唔駛通頂做了。

感謝神，雖然轉工果度唔係咁順利，但今日真係好開心。

u can't change the wind, but u can adjust the sail.

Elegance ^^

From dictionary :
Elegance : dignified gracefulness or restrained beauty of style
Lovely : delightful for beauty, harmony, or grace

Elegant+Lovely ，其實我只係o念起兩個人，

第一個係扮Elegant+扮Lovely, 你都知係邊個。
第二個剛剛o念到，係真正Elegant+Lovely, 果個叫周慧敏。

其實真係有D 難度，都係做住Lovely Elephant 先啦。

....

星期日，婚莎展探班

Catherine, 個化粧師真係好好功力……^^ 我真係未見過佢咁靚女，埋到counter 真係認佢唔出，唉，D人，去到灣仔M 記門口打俾佢佢又唔聽，係要我入到去先叫我買M 記餐。好彩化粧師姐姐俾左個staff pass 我，唔係真係鬼同你買。

買完個M 記上去，點知 carry 食左飯，灰……
_______________________________________________________
返到屋企念住開始做個 freelance, 發覺俾人玩，又話modify 之前果個，好易做，點知亂到九彩，同重做都無咩分別，重要我星期五俾你，我 full-time 幫你做都做唔切啦。 ><

男子組

昨日同 jacky 補祝生日。

個豆腐cake, 都叫唔差，但欠左少少cake 的味道，真係好似食緊Jacky 豆腐咁，不過呢個價錢我想食Papagallo 新果隻雪榚cake 多D.

好彩寫住食多D食多D食多D，唔係真係有可能食唔晒，原來2 磅8個人都係多。

果個咁的阿旺，上次又西裝又帶con, 相差成十年，梗係認唔到啦，
對住一個我想見好耐的人，可惜相逢恨晚，同埋俾我知道佢無degree, 當堂dup 晒。
winy, 心跳咁慢都重可以生存咁耐，在我的專業角度睇，實在係一個奇蹟。
CEO, 又收momo，我睇佢就黎又要買張更大的床。

UNO, 原本都幾好，不過有人真係蝦我老，在我眼訓的時候炒我14x, 同埋，開口牌原來真係唔多work。

男子組，雖敗猶榮。

zizi, 原來你咁快就生日，好後悔咁早識左你添…… 要咩禮物，講明先，以身相許免問，此刻無價 ><

衰男人

男人對女人唔好，理由包括:

1) 女人對個男人唔好，有陰影(如俾人找過苯者更甚)
2) 明知個女人的心唔在自己度，但係扮傻咁唔講出黎
3) 識左唔係好耐，駛唔駛咁快當到聽日就要聚你咁？
4) 當男人對女人好，女人又會覺得佢太悶
5) 高手好明白唔係對一個女人好，個女人就會鐘意佢

老實講，其實好多男人都好想認真，無奈係上述的情況好多時都會出現。

Zizi, 收到未？所以唔好再話男人無個好人。

世界真細小

呢D 野真係在個BLOG 先敢打出黎。

今日見完三份工，帶住半死的身體見Jessica, 板前呢間野，都chi 線的，六點鐘，都有咁多人食架咩？要我地等個半鐘？最後轉戰佢對面果間。

食食下，突然有條友仔走埋黎，話佢自己係Model agent, 呢D 事發生唔奇，Jessica 本身就係一個model, 奇就奇在個agent 俾左張卡片我!!!! 叫我上去casting, 最不可思議的係，睇完佢張卡片，佢係sunny 哥播，我之前打電話去agent 找過佢，問佢拿 model 架播，但真人未見過，竟然係咁的情況見到真人…… wakaka, 簡單係八不思議事件。

cast 咩鬼sunny 哥，雖然我都知化粧、燈光，攝影技巧的偉大，之但係無謂令影我果個難做啦下話，大家行家無謂搞到人地無得no 呀。
________________________________________________
今日見果三份工，有一份真係好爆笑

佢 : 呢份工返department of health ge.......但你介唔介意..........
我 : 咩事？
佢 : 要返停屍間架喎，佢個system 停屍間都有電腦...........
我 : (唸左一陣)，哦，無問題呀，等我又去換轉兩條屍先.........

咁的工都俾我找到？

常在你左右

今晚打左好多，但呢篇一定要打
前幾日撞返個ex-ex, 當日佢當我仇人一樣，但撞返的感覺好似老朋友咁，真係好開心

呢首歌係李克勤演奏聽入面最好聽的一首歌，唔明K 入面點解無得唱

情人今天我 能含笑進睡
被她醫好心碎
如果昨日你　誓死相隨
其實只不過錯下去

難長久相對　能和氣暢聚
或可維持歡樂　歷久不衰
風再沒法吹　便無眼淚

＊如難復合　合做摯友
　友愛共伴　伴著最後
能傾訴就夠
　我跟你　分憂成為分手
　分手成為了友誼萬歲　慶幸放手

　從左至右　徘徊在妳的圓周
關心好過懷舊
找到新戀愛　也為你暖手　別做怨偶

＊仍然祝福你　尋回愛氣味　幸福始終等你
明天也像我　絕不出奇
其實只不過碰運氣

從前怎生氣　從頭再細膩
為新情人準備　盡花心機
天氣便轉好　就如勝地

再忙過

又開始忙了

間舊公司，要報profit tax, 我有profit 俾你tax 又無所謂，間公司都close 左，又要做個ledger 你睇，唉……

終於tum 掂我super 請人，好彩唔駛交辭職信，其實兩個人，minimum 架la, 成日o念埋D 不切實切的縮數，到頭來咩獲果個係你自己ja。

Simon 彈左個freelance 過黎，flash movie, 其實都好耐無用Flash, 不過呢個freelance 我睇KO 到佢ge..... 唔知要做幾耐。

星期三同星期四都要見工，其實真係請唔到咁多假去見，驚super 炸型。

黃山，應該去得成了，office 應該四月頭搬，咁我復活節請假應該ok的。

Wonders of Hong Kong

zizi，唔好以為車係萬能，香港一級靚景，你架掃巴佬都係去唔到的…… XDDDD

第一張，南山圍，Twins 隻精選MV 都係在度拍
第二張，青馬大橋，其實重靚過Love Generation 條彩虹橋，去過台場都知彩虹橋實在不外如是
第三張，獅子山頂，點都靚過上頂望落去

P.S. 唔好叫我帶你去，呢D 地方我唔會隨便會帶人去……除非去多次魚一丁咁啦…… XDDDD

Red-bull

眼光光眼光光眼光光。

voka party 就去得多，又會有人搞個red-bull fever 的，我又會真係去架喎……

猜妹，隻妹好白痴，再猜耐D 真係會斷氣，不過真係好好笑……

你拿聲，幫人頂酒就頂得多，幫人頂red-bull 都係第一次。

原本今日都想唔返工，red-bull 重勁過coffee, 成晚訓唔到，今日重要見client, 點算？

好辛苦好辛苦好辛苦。

有冇人想唱通宵K? 而家同你唱兩晚都得……

康華聚

唔該，陳敏之係我的 idol, 佢做model 果陣我已經鐘意佢，任何人都唔可以似佢……

難得今個禮拜得閒，終於睇到康華的真面目。

果間cafe, 高氏大廈5/F cafe, blacklist 左，點解我杯vanilla mocha 可以淡過水？ >.< 原本見環境幾好，打算 reserve 幾個鐘同我班 fd 開 P, 唔駛啦都係……

可能太耐無食元氣，真係唔知D 茶包變左綠茶粉，柒左添……

去朗豪，真係想走埋去recept 問周麗淇在唔在度，打算去入D spring collection, 但都係睇唔o岩。

鳴謝﹕特別飛車過黎同我入元朗食晚飯，除了以身相許，實在不知何以為報……

努力努力

星期六留在屋企的感覺真係好，好耐無試過……

一起身，找工，今次要努力D 先得

其實呢間公司係幾好，我幾欣賞我老闆，EQ 高到爆燈，永遠都唔會鬧你，又真係講道理，又唔會太管D 員工。
Medium size 的公司，politics 又唔算好嚴重，雖然都有。

但我好清楚我在呢間公司要拿D 咩，做programmer 的經驗，但偏偏個super 成日叫我去做D technical admin 的野，D 同事又話我唔合作，我合作就無時間去幫自己累積經驗，咁梗係做programmer D 野先啦，我自己條career path 黎架。

而家我同事走，我super 好似唔多想請番，想我一個人做晒program 同admin 的野，咁即係叫我又走啦，都好，唔駛請假可以去黃山，哈哈。

無知

放工做晒D野等睇戲，打下野先俾果個扮無知的 zizi 先……

網上面的forum, 不時都有篤戰，我只係睇一次笑一次。

近排有個未介奶的細路仔，話拿左個空姐電話，但抄錯左喎…咁都唔醒水，重要走去大海撈針……

佢無咩經驗唔緊要，出左個找人post 咁梗係俾人笑，查實我真係幾欣賞佢敢行埋去問人拿電話，又肯出個post 去找人果份勇氣。其實真係唔係個個得。

不過佢的reply 實在令我跌眼鏡，俾人笑完，又話個個人都係咁，無人間溫暖。

我睇佢都係剛剛在溫室走出黎，所以先覺得凍。
無知都唔緊要，你想去做D 野，明明係對的(雖然係有D 傻)，又要去介意人地點睇？為左自己鐘意的人，俾人笑兩句都唔得？咁算啦，呢D 係「緣」黎。

最睇唔起就係呢D人。

忙碌

做IT 就係咁，得閒就可以好得閒，忙就忙到飯都唔得閒食……

最衰係，今次忙完都無人工收，事緣係上星期開始找工，今日NEC 打黎，叫我做個test, 星期四做完就交俾佢。好彩公司無咩野趕，可以善用下公司資源，XDDDD 今日淨係裝software 都裝左成日，睇黎聽日無九點都唔走得……

哈，同wingyi 食飯，都幾得意呀，講下我的dream, 北海道car ride, Greece 的假期，好耐無發過夢了，不過最攪笑係講下momoinc CEO, 二打六，flower assistant, 真係好好笑……

臨走見到間cafe, 無座位，全部都係床黎，幾得意喎，最緊要係，個waitress 真係幾得，有冇value-added service 架le? XDDDDDD

咩年代

最近寫左個在公司website send SMS 的program, 竟然開會有人話唔識用，呢班全部都係D 廿幾三十歲的秘書，唔係呀嘛……電話number -> msg -> Send.........

但我可唔能夠在份menu 度寫得三個英文字……睇黎都係發揮我創作天份的時候……目標係6 pages.

世界上最 on 9 的事莫過於此……>.< 無慚on 9首領阿berg 對我的一番教誨……

心理學

讀心理學，其實有好有不好……

你會好明白自己 emotion 永遠控制個腦，所以唔會有好多無謂的痛苦……

但有時無呢D 痛苦，外人看便覺得你根本唔 care......

Alice 就問我呢個問題……

我真係唔care? 其實我都有咁的情緒，只係讀完心理學，可以控制到自己，唔去做 D 影響埋人地情緒的事。

但咁樣，其實到底係好定唔好？

偷心男

俾今日的一場雨玩死，影相，原本入柏麗灣，果度都不知幾好景，但落雨的話去邊度避？最後都係去左美孚……

無陽光係外影的一大忌，但攝影就係要俾你明白一件事，就係若果你覺得自己做o岩晒預備晒所有野, 咁就有會如你所願，咁你重係入世未深。今次就係一個例子……

陰天，美孚咁的爛景，你可以做，就係找一個光差大的地方，極其量都只可以影七分身，好彩Zita 真係天生麗質，表現亦都professional，都叫收貨啦……

跟住去睇偷心男……

Alice 提議買個KFC 入去食…… @.@ 我真係唔想睇戲，我變左全場的主角，我不嬲低調，唔好玩啦……

套戲提醒我，以後都唔好去內衣party, 以後要一次過飲晒D 百事，以後唔好同女朋友去church...... XDDDD

之後一齊去食雪糕，其實我真係有去o念，問我點解同個ex 無contact, 再見亦是朋友，其實唔係邊個飛邊個的問題，只係一種 pain love, 分手後拖拖拉拉，咁只係話你根本無尊重過一段感情，可以隨便講分手兩個字，絕唔係一個男人應該做的事。最緊要的係，咁只會將分手的痛苦加大幾十倍，咁樣叫love? 我真係唔明。

遲幾個月啦，當大家都覺得一切已經過左去，咁先再找都未遲……

Maxim

Maxim 好睇的地方，在於夠咸濕、夠攪笑、但攪笑得黎又有深度……

首先，今期Maxim 教左我D 小常識
1) 唔想再喊，可以上太空，因為太空係流唔到眼淚的
2) 500 度以上的近視係有遺傳的
3) 2R 的身材真係好 fit

今期專訪係一個斷左腳的車手。

佢係玩 F1 果陣炒車，對腳即場斷左，送到醫院全身只得1000cc 的血，竟然奇蹟生還……
之前復出玩ETCC, 車隊將部車個brake 同極力子放左上手度……成績反而好過之前……

「我少左對腳減左磅，好自然架車快左」<-- 那絕唔係一個悲觀的人能講的說話。

一句壓力大，一句好多事控制唔到，就覺得自己好慘想去死？咁真係唔阻你……

七不思議事件

原本都唔打算講 ge, 因為呢D 野唔講無人知，講完都無人信……但真係……… wakakaka

我睇呢個係繼婚莎展sales 之後的一個力作。

地點﹕OK 便利店
時間: 前一排的Lunch
動作﹕買野換嘉菲，我一路行埋counter, 個店員對我露出心懷不軌的笑容。

我﹕係咩買滿廿蚊先有嘉菲換呀？
店員﹕Er...... 係呀…… (等左一陣，細細聲拿左幾個上黎)，你鐘意邊個呀？拿晒去都得架
我﹕(呆左)，呢個啦……
店員﹕(拿左個成個箱上黎)，都唔鐘意呀？你在裡面拿啦……

我同同事出黎之後，我同事話﹕佢講漏左句，不如你拿埋我去啦…… wakakaka

點解呢？今日都係一個 smart casual look 之嘛，都係同Tom Cruise 咁上下。
老實，我唔慣人地咁直接的…… hahahahaha

好嬲

好少咁興……

做人阿媽咁多年都唔了解個仔，我平D 係懶D，但只要決定做一樣野，任何人反對都唔會理，你要反對就拿左我條命啦，你做左我廿幾年阿媽都唔明……

Photo journey 梗係唔會多人去……咩叫無四個人唔好去……我知你為我好，去大陸係危險，
但Photo journey 係我的dream, 點我都要去到……

我之前明知很大機會中催淚彈都去影農民啦，今次又點會例外，更何況，只不過係一個黃山……

黃山，你等我呀，我黎緊架la........ 阿head 你醒醒定定同我批左個假佢呀……

二三四

今日同Eric farewell

食日本野，呢間野果然係high car, 入門口準確咁講左 i ra sai i ma se....... 唔係二三四

最好食係個沙律同個甜品，其餘，唔係話唔好食，係唔值呢個價錢……

High car 形象最後功虧一簣，因為出門口，聽到多晒bye.......... ^^

一日之內兩個最熟的同事走，果然係轉工季節，替佢地開心，但替自己唔開心，
唉，兩個走左，一個重要係我下屬，咁點呀，又要in 人law, in 人真係一個好麻煩，但又好攪笑的過程……上次，in 左15 個先找到而家呢個……

我係D 兩個星座overlap 的人，所以都係個雙重性格的人，由於in 人由我全權負責，所以in 人果陣都會好正經又好玩野，試過問人有冇玩BT, 燒隻新碟俾我得唔得，D interviewee 通常都話呢D 野唔合法，唔得……跟住我話你無善用公司資源喎…… BT 都唔識點叫電腦人呀，我請唔到你喎 XDDDD

都係搞下氣氛架je 其實，我好唔鐘意interview 太formal, 好假……呢份始終係technical position, 唔識D 野好難請……

第一次

第一次踩單車踩咁短路，大埔去大圍單程，不過真係老，今日tired 到唔想返工……
第一次爆人樽，真係好過引……
第一次玩 mario kart 就拿第一，大容易了……
第一次去食乳鴿，但有D 後悔上次無去，見少左D 野……
第一次去D 咁 high car 的K 房唱歌…… 但唔明點解明明無non-smoking 房問你食唔食煙……

碟評

好耐無買過正版碟，見$65 蚊，等我支持下eason 個女啦……^^ 佢都真係幾似eason 架喎。

最佳損友，人人都話好聽，但我唔覺，可能我真係唔識憎一個人……或者俾人憎一世，無歌詞入面果種feel

落花流水係我最鐘意的……

相遇　就此擁著最愛歸家 生活　別過份地童話化
故事　假使短過這　五月落霞 沒有需要　驚詫

或者因為欣宜做左白雪公主，重要強吻阿白馬王子，即係吳唱K 啦，我已經不再相信童話故事，所以特別有感觸……

真的，童話故事，首先要大家真正知道甚麼叫真愛，甚麼叫自私，可惜，知道的人的確不多……

想聽，ok 啦，情歌K 歌一隻，基本上係「落花流水」的相反。

Priority

有時，聽朋友訴苦係正常，但有些苦，真係自己拿黎……

前晚同一個朋友食飯，說佢男友對佢真係好好，但對佢阿媽就更好，情人節開開心心去disney, 竟然帶阿媽佢……分左手了……

其實分手當然唔會因為咁少事，女人敏感於少事，係因為佢地有從少事認識一個人的能力，呢個男人，如果老婆阿媽跌落海，一定係救阿媽先……

人生有好多priority, 家庭、事業、工作，自由，戀愛……

最個人都有佢的priority。

每個人都有一個永遠fulfill 唔到的desire, 叫受重視(feeling to be important)……

特別的係，一個人重事業，並不是因為事業本身，而係在office 受"人"尊重的感覺……
一個人重家庭，是因為家人令他有受重視的感覺……

重要的，唔係果個人的身份，而係呢個人俾佢的感覺

Shirry, 真係唔好以為呢個人係重家庭，將來有個好美滿的家。佢care 的叫係佢阿媽對佢咁多年的care，唔係家庭……

我阿爸就係例子啦，佢好孝順佢父母，但係係打老婆打仔，打到皮帶扣都斷的人黎……

已經離離合合左咁多次，重要side 時間？
三年時間，重唔夠讓一個人改變嗎？何況，我睇唔到佢有變過……
佢的priority 根本唔係你，
最大問題，係佢的priority 永遠都唔會係你……

抄相

剛剛先在Jacky個BLOG 留完言，轉頭又有人話俾我聽，我俾人抄相…… 抄的係呢一輯相
http://www.pbase.com/dryg/nature

今次，其實我都唔知佢咁做合唔合法，因為抄我張相果個係unisoft, 而我影呢張相亦是因為要交功課俾unisoft.

俾人抄相，其實我無咩所謂，你張相唔靚，人地抄你都費事。之但係佢好誤導law, 我師博明明叫Terry, 關個攝影世界總編輯咩事呀？條友仔，趕走左我師博, 重要拿佢學生，即係我的相黎用。

今次，只係banner, poster 用左我地的相，算啦，但如果有人拿我的相去賣，就一定唔放過……

Creativity

杰 倫 送 毛 毛 J 賀 蔡 依 林

Jolin 前 男 友 周 杰 倫 （ Jay ） 送 上 用 羽 毛 黏 成 既 可 代 表 Jolin 又可 代 表 Jay 的 「 J 」 字 花 籃 祝 賀 ， 十 分 有 心 思 ， 但 她 卻 說 不知 情 。

XDDD 我實在佩服娛記的創意
____________________________

佢地趕住去邊，咪就係香港廸士尼樂園……讓奇妙飛翔

A即係你可唔可以講得好少少？
B哦，即係果D 食多D，食多D, 食多D ，越講越激果隻呀…得……
A唔係，佢地趕住去邊可唔可以講得神秘少少，講廸士尼呢就要講得好開心的……讓就講得好讓的，奇就講得奇D, 妙就講好妙的……咁得唔得？

A即係呢句食多D, 食多D, 食多D，你可唔可以講得好食d
B咁不如講好食D, 好食D, 好食D
A都話阿Jan 串架la, 換阿葛得唔得呀？
C阿葛貴喎……
A拿阿Jan 你再試一次啦……

阿Jan 果然係一個好成功的design 人，由電話整古的I teach you in a spanish way, 會考講座，玩具扑扑野，我已經係你的忠實fans......... ^^ 我同你的理想係一樣的，就係做偶像派… ^^

Comfort and Comfort Zone

又要做一次張小嫻了…… ><

我向來不太喜歡安慰人。

安慰人原本是一件簡單不過的事，但過份的安慰，未必是一件好事。

每個人都有自己的一個comfort zone。

去慣bar disco 的人，留在屋企便會覺得悶，因為熱鬧是這類人的 comfort zone.
一隻好動的貓去到一個陌生地方會停下來，那是因為這個地方不是貓的 comfort zone.

人越受安慰多，便覺得自己越慘，其實事情並不是那麼大件事。

一個廿多歲的人，可以煩的事，其實都是感情問題。

他不要你，你便好像缺少甚麼，那不是他的問題，那是你自信心的問題。
他不要你，你無要他不可，那是你的問題，你一出生也不都是一個人？

你並不是真的愛他，你愛一個人，便應該尊重他人的意願。
問題在於，u need someone to feel complete。

你跌落一個井，你不明白他人救不了你。
那是因為，別人放繩下來，你卻沒有好好捉住那條繩。人們用再大的力氣去拉，也救不了你。

片片楓葉情

昨日走左去一個滿山紅葉的地方，一時情不自禁，一路影相，一路唱住許小姐首首片片楓葉情出黎，忽然間聽到後面二條路過的粉腸在度大笑，頂呀……

作病作左一排，有街都唔想出，昨日終於都叫有D 起息……

不過真係唔明，胃氣真係咁容易有架咩，前幾晚臨訓之前，飲左一大杯水，個胃忽然好多氣，好辛苦，要食胃仙U 需要放番好多個屁先至訓到…… 真係騎騎呢呢的…

之前好擔心返工果度要咩鑊，重要係一隻好大的鑊，好彩最好憑我呢個冰雪聰明的豬腦救得番D 野，唔係就真係要o念o念轉工了，雖然有冇呢個鑊，我都會o念。

很久不見

昨日見番好多我好耐無見的人。

第一個係我基金的 sales, 好難明白點解有 d 人可以係咁講野講唔停，見我大半個鐘，講野真係未停過，呢D 真係專業sales 黎。

跟住去同班影友同埋蚊姐成飯，近來影少左相，好少見佢地了，講下講下，發覺原來大家都好老啦…… 唔怪得聽林狗隻三字頭咁有feel。

蚊姐，你唔知下個禮拜二係幾多號我唔怪你，但真係無理由唔知下個禮拜二係星期幾呀嘛…… 你呢個笑話有排俾人笑……哈哈哈哈

死啦，開始作感冒添……之雖然個天婦羅我仍然都係咁食…… XDDDD

我的公司

星期六OT 到下午四點，之後約左班fd 去睇李連杰，套戲都ok, 夠直接，無論打同埋故事都係，有感情線，女仔都可以一睇，不過一定唔會有男仔覺得咁好睇……

禮拜日正式去搬返自己開果間公司的野，返屋企，算係正正式式close 左自己的business, 發完老闆夢。其實唔係話個生意無得做，係我自己無時間去搞好佢，為左佢，連我以前個ex 都冷落埋，同佢一齊都無好好錫過佢，>.< 我發覺part-time 做老闆真係唔work, 無左一種破斧沈舟，搞唔好就餓死的一種決心……

我屋企全部人都係好保險，總之你唔好理，D錢放在銀行，有工做就得，當初連投資基金都俾佢地鬧，好彩個基金生生性性升左一倍佢地先無聲出，決定做生意果陣就更加唔在講，生意係做得唔好，但如果生意做得好，可能會無左其他野，呢個可能對我係最好的安排。

世事就是如此的奇妙……

Hacken

近日較開心的一晚，去左睇Hacken

克勤近年已經開左五個演唱會，重重覆覆又係果D 歌的話，已經沒有意思了，所以今次唱得多左蒼海遺珠，平時少唱的好戲之人，最新的未成年同盟會，都唱左…… Yeah...........

點解我咁鐘意Hacken, 因為我同佢的經歷都幾似……Hacken 自少都無風無浪，但出現無幾耐，因為太串，得罪左唔少人(簡單就係唔識做人)，所以沈左好耐，到近來，當同期的四大天王都已經收左山，佢先紅番起……

以前的我，其實真係好串，老實講自己係想搞下氣氛，但真係傷人於無形，所以出到黎做野，碰過唔少釘，但近呢兩年，慢慢去摸講笑的平衡點，其實就係要有番咁上下收為，不失氣氛又做番自己，真係要慢慢去學……

甚麼錯失都給你盡量收補 修理不到過去 不過他朝會更好

RIP

Buyers' remorse, 一個最令自己信服的解釋……

RIP

向左走……向右走……

dull dull 轉轉，1心1意向左走……最後，還是回到廣場的噴泉，最後還是遇上右邊的一位 (好似向右行果個係男人黎架喎…… @.@ )

一個月的謎……

曾以為可以認認真真咁愛一次，都係打住173 先啦咁 >.<

通宵K

老了，真係一晚通頂都頂唔順……

一番到屋企照鏡，見到自己通完頂個樣，實在有D 驚嚇……

昨晚去左出席周星馳同學會2005 年度領獎典禮，估唔到我無去camp, 拿左個神秘內褲獎……佢地話喎，在渡假屋發現左一條底褲，無人認投，因為個個都有去camp, 係得我無去……所以我實在係實至名歸…… @.@　得獎感受？我o念住黎抽獎架ja, 無o念過會拿獎架，多謝老婆……

唱K 開心大發現

1) 原來Christine 好替我將來著想，在電話度都聽到佢叫我慳D，save 多D 錢娶個靚靚……的老婆
2) 咩叫人不可以貎相，點解一個22 歲的人望落去好似44?
3)Green box 終於有十年前後唱
4)原來我部傻瓜機，在K 房呢D 環境，唔開Flash 係真係會手震(以上資料由winy 提供)
5)自己真係老了，過左四點，個腦已經停止運作……

最後七點半留到屋企……

辦年貨

昨日放工，去左辦年貨。新年，好多野都收晒，在屋企睇下書睇下DVD 咁……實在係最好的主意……(因為實在有太多戲BT 左未睇了 >.< )

一口氣買左Him, Maxim, 林海峰……

Him...... 其實係一本高卡的便利，我一向都唔會買，但今次，俾佢真誠的封面打動左我，Janice 呢張相，唔算暴露，但出黎的感覺都幾性感，出job 的時候，經常有client 叫我，影得高貴D, 但最好越性感越好…… >.< ，呢樣相係好好的學習對象。

Maxim, 期期都買，因為實在太好笑，又有靚女相，又有好多野學……

林海峰……係law, 點解會買架le? 因為我都佢都好似……係偶像派……

花市

年幾無見，估唔到你重…… @.@

行一個花市，點解可以搞出咁多事……

向左走？向右走？

上海野

今晚一班同事去左食團年飯……

去左小南國食上海野果間，呢間都ok，但真係黃埔間王家沙好味D, 上海野我最講究就係食小籠飽……數到係標準的八fold, 皮薄，但係D 肉唔多新鮮……同埋，我真係唔多鐘意食蟹粉，食原味好D。

食左個唔知叫咩名的，食法係用一塊皮夾住舊豆腐，舊豆腐又大件，塊皮用筷子又好難拉得開，結果全台人無一個成功，最後皮有皮食，豆腐有豆腐食，呢味餸係咩整出黎玩人架le?

未試小南國其他分店，KO 埋佢地先……

不過最想食乳鴨，靚靚又唔同我食…… >.<

Don't judge anyone

近排睇緊How to win fds and influence people, 抵佢由1930年賣到而家的，

睇左chapter 1, 有一句好深刻的……

God also won't judge people until they passed away, why do we judge?

呢個chapter, 一個 principle, don't blame anyone, 你唔係神，你無權judge 人地錯，你自己o岩，本書舉左個例，話就算連環殺手，永遠都有一套好logic 的理由去殺人，都唔覺得有問題，何況係其他人。每個人都有自己一套logic, 唔好打算去blame任何人，because it never works.


好高興被邀請做領獎嘉賓……死啦，要講段對白添……講咩好呢…… 佢地好似好Pro 咁喎，有埋獎座ge ^^


就新年，其實一直o念緊自己前途的問題……

做左呢間公司都兩年，其實都應該係change 一change 環境的時候，但自己當年入左去一間律師行，而家想轉返入去IT firm, 唔係咁易。近排老闆召見我，話佢一直都想set up 間 IT 公司，賣返公司個software 出去，如果係咁，咁對我的發展的確係件好事……但係老闆講的野，你又只可以信一半……

點好呢……

秋之序章

近排想做另一個photo project, 找緊靈感，無論係high fashion, Maxim, 我最愛的日本寫真，影友們的作品，都睇過，結果都係得個吉…… >.<

但 dogu 呢輯相，我係幾鐘意的……

向來都鐘意呢種Model 相，我鐘意人同事物之間的interaction……

秋天的禾"趕"草，藍天撞紅花，作為張相的focus，一朶花對比好多雜草，意味住秋天的來臨。

前幾日靚靚問我點解咁鐘意影相……

因為真係可以令自己睇到，一件事係有好多可能性，唔係咁絕對，一個禾"趕"草地，出黎的效果影得好唔好，完全係自己的舖排……

俾個靚女你，都要睇自己心目中有冇idea...... 當自己已經master 到攝影基本的野，再令自己進步的，再唔係幾萬蚊的相機，再靚D 的model. 而係自己的修養……

老了

昨日第一次主動有人約我打squash, 好勁呀Alan, 終於成功識得網上book 場啦，唔怪得主動約我啦…… ^^

真係老了，Squash book 左一個鐘，以前一個鐘之後都會繼續打，到左D 阿姐黎趕先會收手，而家，打左9個字自己收手…… >.<

其實寫BLOG 的心態係咩呢呵？BLOG 又唔同diary 呀，diary 係咩都寫，因為無人知，起碼BLOG 唔會寫人是非先，心知就算……^^ ，BLOG、其實都好似網上作家咁，分享下自己的睇法咁je……

咁就壞？

家下D 後生仔，少少風浪都捱唔到，我都只係BT個鬼武者落黎玩je, 1G 到之嘛……公司部機的network card 就話唔 no, 壞鬼左…… >.< 搞左我成個鐘……

男不壞女不愛？

希望呢個 title 可以谷一谷個收視 ^^

有一晚，我家姐問我﹕其實我覺得你今年改變左好多，覺得我好似由阿旺轉左做bosco (呢句我自己加的^^，佢大約的意思係話我由對人好好，轉左做比較講手段左……)

梗係啦，男不壞女不愛呀嘛…… : )

其實話時話，我發覺好多人都唔明點解會咁，特別係男仔……等我呢D 黃綠的心理醫生發表一下報告啦……

心理學的假設，其實人人都自私……但係自私有兩種

第一種好明顯的，為左自己利益唔理人感受，唔需要多解釋……
但係第二種，係更危險的自私……

「點解我對佢咁好，佢咁對我？」呢句係成日都聽的說話，就係第二種自私了……

呢句背後的意思係，我對你好，係希望我俾一D benefit 你，而我expect 你會俾番D 回報我，但點解你唔俾？

呢種自私，好難睇得到，亦係最危險的……

「點解我又買禮物，又請佢食飯，對佢咁好，但佢竟然唔鐘意我？」 <-- 係唔係另一種的自私？

This is not love, 女人的直覺好準的……一睇就睇得出……

人唔一定要壞先吸引，但起碼唔好把"好"當係一件工具……

重新開始

很多人開Blog 都用xanga, 不過我都係鐘意blogspot 多D, 感覺Pro 好多，起碼中文無問題……個blog 上年就開左，不過實在太懶無理過佢。

查實我唔鐘意用個blog 黎打日記，個blog 咁多人睇，又唔可以講人事非，我打得唔開心的……
咁會講咩？無聊野羅，投其所好啦，你睇呢個BLOG, 都係因為無聊…… : )

昨晚趕返屋企睇男歌手奬，又係克勤呀Yeah, 雖然其實我係估基仔的……最開心最開心的事，就係克勤終於肯結婚啦…… sweet sweet, 我今日好努力咁話呢個消息俾人聽呀…… ^^

見到克勤呢段感情，真係好難得，盧少姐在佢最媒的時候都唔走(走過斷崖或雪地，茫茫前路失去力氣，原路得你，同情自己，你預期我會爭氣)，而克勤講呢段野果陣係好開心的……真係見到幸福二字……多謝老婆……

重有好開心的，就係在周星馳同學會(呢個會，只係我地一班大學同學搞的無官方組織，雖然我都知大家好想入會，但係係入唔到的)的總選競猜遊戲中得到第二，絕對係無上的光榮，其實勁歌總選好tippable ge, 都無咩難度，但下一個，港台…… @.@ 即係要我讓返個第二出黎…… >.<