黃黃綠綠

完結

2008-12-25T06:53:00.002+08:00

這晚註定係訓唔著架LA...

呢個BLOG絕對係為佢而開,第一篇文的時間鎖在2005年,原來,已經四年.....

四年前的聖誔節相遇.... 四年後今日的聖誔....... Hm..... 看來這就叫天意.......

已經太熟了.. 根本唔可能有咩改變..... 我溝女的經驗,其實都唔少..好清楚去到邊個位要停......

但最近四年... N次出現其他機會... 但都從無再進一步

曾經試過放下... 但又失敗左.....畢竟佢已經在我生活圈子佔了很重要的部份

真係俾個個FD 講中,其實每隻無腳的雀仔.. 隻腳都係留左在一個人的心入面....

真係唔知點樣拿番好......

To be a man, the boy must die...

就用呢篇文作為呢個BLOG 的終結啦..

看來上天真係要我上好大代價的一課.. >.<

(不過,我已經為歐洲之旅開左個新的YAHOO BLOG, ^_^)

朋友離世

2008-08-03T14:53:00.002+08:00

今年係比較多事。

先有幾個月前，從前的鄰居被前男友所殺。
最近又有朋友遇難。

每當有這種事發生，就倍感生命無常，更信生死有命的道理。

不好害怕死亡，只需害怕自己從來好好活過。

人所能改變，就係將自己的生活過得精采。

好擔心海怪，佢親眼目擊意外的發生，一個禮拜後仍然覺得好自責。

有自責的想法，其實係好自然，縱然根本沒有任何人怪過佢。
但若我係親歷其境，可能我的反應會更加大。

葬禮，其實有一半係做俾在世的人睇，代表悲傷的完結。
希望在葬禮後，海怪可以從新振作。

一返工就想放假

2008-07-05T19:16:00.002+08:00

現代人工作態度

努力返工係為左未來得到更多的餘閑，得到餘閑係為左逃避工作……

講得好中.........

DVD 美女不停播訓練膽量

2008-06-08T13:58:00.000+08:00

電車男特訓 XDDDDD

DVD 美女不停播訓練膽量電車男得網友路，終奪得「愛瑪仕小姐」芳心。但並非每位怕醜仔都有高人指點，難道他們要一輩子當「獨男」 ﹖
日本 Avex 公司推出一款 DVD ，讓怕醜仔練習和美女對望， DVD 名為「齋望」，面有 50 名不同國籍及年齡的美女（圖），有黑髮美女和金髮洋妞，有的打扮端莊斯文，有的衣性感，有的情深款款地向鏡頭撒嬌。怕醜仔只要目不轉睛望鏡頭 96 秒，望得靚女多，就會有自信心。

不法分子催谷生意「義賣」鹹碟

2008-06-08T13:43:00.001+08:00

義賣的話 , 我一定義不容辭

4 人被拘　繳獲 1107 光碟
事發於本月 4 日，福州新台江新港派出所一名姓陳的公安，下班回家，路過解放大橋時，看到一大群人圍在一起。他走近一看，發現原來有四個男子正在叫賣色情光碟，箱子旁邊還貼「抗震救災義賣」的橫額。其中一名男子還宣稱，因是做善事，所以「買二送一」大贈送。陳悄悄向上報。幾分鐘後，大批公安到場，把四名男子拘捕，並繳獲 1,107 隻淫穢光碟。四人供稱，因賣碟的生意不好，他們想到近日全國上下都為四川地震籌款，遂利用抗震救災之名，來招攬生意。
《福州晚報》

眼火爆

2008-05-24T14:02:00.002+08:00

我隻眼而家真係好恐佈....... 成隻右眼都係血, 驚嚇效果係100 分..... 十足我平時打機見到果D 喪屍一樣........連我自己都嚇親......

連專科都答唔到我點解........ 只係話過一兩個禮拜先會好.........

隻眼有事真係好大影響架...... 見到靚女都要靠眼神放電架ma..... 所以一定要快D 好返....

終於check 到

2008-05-18T22:13:00.000+08:00

黃綠呢個名係點黎……

根據孔仲南所著「廣東俗語考」載：「虛體無實謂之黃六，有黃六先生，黃黃六六之說。相傳黃巢
兄為六人，巢居第六而詐，故曰騙詐為黃六。

落完雨一定會好天的

2008-05-09T23:04:00.002+08:00

當人做到三十歲... 這種事總少不免

在這一刻你會有好多講唔出口的遺憾.........

發呆了足足一個禮拜...........

好彩重有好多人，在我最無助的時候，捱義氣陪住我..... 真係唔該晒呀各位.......

高海寧

2008-05-09T22:57:00.004+08:00

細個唔識諗睇女淨係睇樣
大個先知原來身材都好緊要

佢真係小朋友的偶像大朋友的對象........

我要去南京................ !!!!

記得

2008-04-28T22:14:00.003+08:00

我和他一樣說話並不多

記得叫救護車的時候他還說冷氣凍叫我著衫
記得在急症室的時候他還說病茵多叫我戴口罩

永遠記得...............

單車

2008-04-28T00:25:00.000+08:00

其他野我唔要la.......... >.<

不要不要假設我知道
一切一切也都是為我而做
為何這麼偉大　如此感覺不到
不說一句的愛有多好？
只有一次記得實在接觸到...
騎著單車的我倆　懷緊貼背的擁抱

* 難離難捨想抱緊些　茫茫人生好像荒野
如孩兒能伏於爸爸的肩膊　誰要下車
難離難捨總有一些　常情如此不可堆卸
任世間再冷酷　想起這單車還有幸福可惜
（任世間怨我壞　可知我只得你承受我的狂或野）

經已給我怎會看不到
雖說演你角色實在有難度
從來虛位以待　何不給個擁抱？
想我怎去相信這一套
多疼惜我卻不便讓我知道
懷念單車給你我　唯一有過的擁抱

難離難捨想抱緊些　茫茫人生好像荒野
如孩兒能伏於爸爸的肩膊
哪怕遙遙長路多斜
你愛我愛多些　讓我他朝走得堅壯些
你介意來愛護　又靠誰施捨

Repeat *

感覺

2008-04-27T03:52:00.003+08:00

所有人都認為我係個EQ 高的人, 其實我真係好小發脾氣, 試過有一次我真係出口鬧人, 果條友仔真係好餚底.......

EQ 高的人，唔代表佢無情緒, 只係佢比較清楚了解自己的感覺....

人好多時都會將感覺混餚......

情人較少的人, 而朋友多的人，因為大唔明咩叫戀愛, 會將朋友誤當為情人
朋友比較少，而情人多的人, 因為太明白戀愛的無常, 會將最愛的人變成朋友

於是拍戲同填詞就多左好多題材..........

實情係, 人有時真係唔太清楚自己做緊咩......

昨晚傾計吹水, 有個靚女飲大左兩杯, 話我係個咩都無所謂(或者難聽D 叫無原則)的人...

佢講得o岩...... 我唯一有所謂的事, 就係要活得開心.......

上個月做左一個決定, 但又發覺成個人都落晒形, 於是就盡力去改變.....
但似乎, 其實這個決定並無錯.....

其實, 活得開心先係最難堅持的原則 ........

沙巴午節長周末精選套票 (6/6出發)

2008-04-24T23:39:00.001+08:00

KA061 0800/1105
KA062 1950/2250

Sutera Harbour Resort - Sea View - $4149

請一日假就得啦喎, 有得諗…… XDDDD

藍鯨Toro

2008-04-03T22:44:00.002+08:00

我最鐘意食的藍鯨 Tuna 魚竟然有水銀？ >.<

唉唔理la, 照食，變傻仔就變傻仔呢，反正我已經係...........

求婚大作戰

2008-04-03T22:14:00.002+08:00

舊年好受歡迎的日劇, 當初睇的原因當然係因為長澤正美

但睇睇下原來我幾似山下智久.......

返到黎, Tango 話我聽出左 SP ...... 即刻download

呢段video, 我睇左好多次, 今次再睇, 感覺好 sad ......... >.<

人生交义點

2008-03-31T22:11:00.001+08:00

Asiamiles or Live? >.<

兇案

2008-03-31T00:50:00.003+08:00

兇案的主角竟然是自己相識的人..........死得真係好慘

由於記者經常用google search 受害人的資料, 包括blog, facebook, 學校網頁上的資料等等, 我唔會disclose 太多的detail..........

其實佢屋企人真係好好人, 但佢地發生的事都真係好多。

經常都有人埋怨好心無好報, 但其實假如做好人要有回報, 那個人好不了那裡.........

總之, 希望佢家人可以盡快recover........

NEIGHBORHOOD 香港限定

2008-03-31T00:41:00.001+08:00

其實香港都真係幾威, 海外專門店只此一間........ 1/4 開

drop 低先

2008-03-31T00:23:00.002+08:00

在以色列入境時, 記得唔好在護照上蓋印, 要在入境許可證上蓋印, 否則絕大多數阿拉伯國家會拒絕入境..........

以色列, 算係比較危險的地方, 但我一直都認為佢係個好神聖的地方, 基督徒係應該去一次

埃及, 我真係好想睇下D 金字塔

希臘,對我黎講係一個好浪漫的地方.........

睇睇點樣穿埋做一個行程先..............
其實三個地方都好近……

改變

2008-03-30T23:23:00.002+08:00

在cebu 真正思考這個問題

一直我都認為, time can change

但睇黎, 今次時間沒有改變這件事

我的原意都係「慢慢就無野」ga la........ 都無花太多的心神........... 但好明顯, 都已經過左兩年的時間，仍然唔work

真係好奇怪......其實我在呢方面已經睇得好化

餘下的方法, 就只有這個, 一個連我自己都唔想用的方法.......

主？其實有無其他選擇？因為呢個方法, 我會唱少左好多K, 飲少左好多酒, 玩少左好多低能野ga... >.<

It is painful, but it should be done.....

Cebu

2008-03-30T22:29:00.002+08:00

今次旅行陣容盛大, 計有周杰倫, Moon 仔, 王苑之, Agnes B, 深夜炸彈, 再加一隻賣毛, 一隻賣肉同埋一隻賣手掌的公仔一齊去。

由於今次係heahea 團, 所以無太多的行程, 例如island hopping 都無去出面找, 而係靠酒店refer, 呢D 真係會收貴好多, 但因為安全問題, 俾人呃錢唔緊要, 如果我俾人劫色, 真係點同萬千少女交代呢？

個景, 其實對我並無咩驚喜, 可能係玩開影相, 見呢類相見得太多.........

其實我對整個行程有D 不滿.....點解

1) 幫我做spa 果個唔係女仔, 但Moon 仔果個係？係咩怕我除左褲會嚇暈個女仔？
2) 香格里拉係韓國人多？如果係日本妹我可以埋去溝通下嘛
3) 我地找唔到Bar 飲野, 搞到要返酒店對住三個女仔+三隻公仔, 無得找食？

最緊要的係..........

真係駛左好多錢....... 我跟住果D Nagoya, 瑞士, 以色列+埃及+希臘咁點算？

Cold-reading

2008-02-09T02:34:00.000+08:00

其實為左方便同女仔"溝"通，之前學過少少魔術……

魔術要成功，最重要其實不在技巧，而在於魔術師 cold-reading 的能力……

Cold-read, 其實係magician, fortune-teller 的共同技倆……

Cold-read 的第一步係要取得信任，你信一個人，所有唔好的事都變好，唔信佢，任何對你好的野，你都覺得佢另有企圖。

關鍵不在於說話的內容……而在mirroring

模彷對方的說話速度、身體語言。

事實上這是人類的獸性，在猴群中，其實其他monkey 都係用呢個方法去取得首領的信任。

取得信任後，就要找到shot gun, 即係對方最關心的事.

其實唔難找……人生的難題離唔開呢幾類
1) 錢
2) 人際關係
3) 感情
4) 理想

從對方的衣著，大約可以睇到佢有無錢，從說話的樂觀程度，大約樂觀的人，人際關係唔會太差。

未婚女性九成問感情........ 已婚的九成問仔女........... 有老婆有仔的男人好快步入中年危機，除左食, 返工同上床外，就無第四樣野想做......

只要在最大的問題做一下shot gun shoot, 對方就會對你深信不疑........

查實大多數人覺得呢類人好勁的原來，在於大部份人以為自己的問題好複雜.......

大跌市

2008-02-09T02:24:00.000+08:00

之前都經歷過817 大跌市，但當時投入資金唔多，所以仍然可以好理智。

但今次122 大跌市，我就無咁理智了……

沒有嚴格執行 cut loss, 到輸到入肉先cut loss, 為時已晚了。

沒有等股票超賣反彈才出貨，搞到差不多在最低位出賣……>.<

所以話股市的成功係六成心理，三成功力，一成運氣係無錯的……

上左好貴的一堂…… >.<

Jump start

2008-02-09T02:20:00.000+08:00

好久無寫過blog 了..........

原來我個blog 係有 d 知名度的……

新公司入面有orientation, 識左個同事，在facebook add 我之後，竟然話之前睇過我個blog........ @.@

奇拿

2008-02-09T02:09:00.000+08:00

Edison - 有很多病呀
http://www.youtube.com/watch?v=VuRCHa0aI88

Gill - 我係好多少朋友的偶像
http://www.youtube.com/watch?v=vNwR1YwDnNA

我又唔係奇拿，點解有呢件事之後，有咁多人問我拿相？有 d fd 重要係差不多幾個月未找過我…… >.<

相我係有睇過，不過我無keep, D 相根本影得唔靚，講真咸相雖然話睇黎睇去都係果D 野，但其實都有靚同唔靚之分的……日本果D 真係好D le.............

天文台

2007-08-30T22:16:00.001+08:00

天文台網站被人hack 左……估計個hacker 應該幾老，你係都放張update D 嘛……放杉本有美呀，我鐘意呀

學友

2007-08-24T01:32:00.000+08:00

(在東京Tokyo Dome, 當日因為大版過山車跌左落黎，Tokyo Dome 果座過山車停左，好down，忽然間有個長途打黎)

叔﹕喂，你睇唔睇學友concert 呀？
我﹕睇啦梗係，幾時呀？
叔﹕8月XX 號
我﹕下？而家5月中ja wo...... 哦好啦。

於是我就係咁買左學友concert 的飛……

學友唔靚仔，所以2xx 蚊飛已經ok, 佢今次演唱會比起04 年果個好好多呀，04 年果個太多英文歌，坦白講我真係唔識佢D 英文歌。今次唱番芥蘭花、每天愛你多一些、your firstname and my surname 等等，重要將我最鐘意果隻碟，Life is like a dream 唱晒出黎咁濟。最後重有雪狼湖+ 如果愛的mini-musical 睇，好好睇呀……

股票心理學

2007-08-24T01:19:00.000+08:00

近日做左最成功的事，就係在跌1200 點果一日，食lunch 的時候睇到港元個價急升，即係有一大筆錢流入香港，所以飛身買左幾隻心水股，真係買得好平。

呢幾日升到唔識停，我係咩應該放呢？ ^_^

股票有人的參與，就自然有心理的因素，低買高賣係人都知，但有幾多人真係敢在股災入貨？其實我開心唔在於我今次win 左唔少錢。係在於在大家都驚的時候，仍然可以冷靜分析，找出心水股。

呢個係股神巴菲特的名句 -

當大家都恐慌的時候，你便要積極。
當大家都積極的時候，你便要恐慌。

1000 點過山車

2007-08-17T22:24:00.000+08:00

discuss.com.hk 股票版

近日股票急跌，兩個禮拜跌返升左半年的市。hk discuss 入面的人輸的錢係以萬為單位。

今晚組團去IFC 頂樓，記住在樓下 CANTEEN (IFC 個 foodcourt 名) 食飽先好上路……

下？我唔想過海喎，青馬大橋都應該夠高。

其實買股票就係將自己的錢投資落一間公司，基本原則就係要間公司有前途找到錢分番紅俾你。近兩個月可能個市升得太急，已經唔知咩叫風險。好多同事門連隻股票做D mug, 找唔找到錢都未知就買落去，咁同放十幾萬在賭枱係無分別的……

買樓

2007-08-06T02:07:00.000+08:00

普通人覺得理所當然的野，唔代表我一定要做。

在香港買樓，最大問題係儲得幾十萬，經手問銀行借幾百萬的錢，無情情多左百幾萬的債。
近幾日在公司無聊，計過

200 萬的樓，借7成即係140萬，分二十年還，用而家8%計，每月還萬一，二十年總共就俾左240萬出去，銀行收多左你100萬。

如果你將首期的60萬用黎買股票，買隻5號仔，一年10%的回報應該唔過份，即係每年多6萬蚊，就當放番3萬落去本金滾大個波，基本已經夠交三四個月的租。

買樓等升值，最大問題就係你賣完層樓，係要買番一層黎住，你新買果層都係貴樓黎喎。

所以係咩租好D 呢？

講心事

2007-08-05T02:29:00.001+08:00

(明報) 07月 17日星期二 05:05AM
【明報專訊】女士們聚首一堂，總愛說說心事，不過美國一項研究忠告各位女士，小心傾太多心事有害健康！專家解釋稱，講得愈多，愈易鑽牛角尖，令閣下情緒更低落。

密蘇里大學教授羅斯及同僚於《發展心理學》發表文章，認為傾心事也要「適可而止」，「傾太多心事並不會令我們好過一點」。他們發現，年輕女子向朋友不斷重複她們的內心問題，反而會令她感到過分焦慮，甚至抑鬱。

易重複負面情感

羅斯舉例說，一名女孩被男友甩掉，更得知男友與另一女孩約會，於是向最好的朋友發短訊訴苦。稍後，她們還自午餐起不斷談論為何男友會變心、女方如何傷心，直至晚上仍沒休止。羅斯認為：「這些女孩已進一個不斷表達負面情感的模式循環。這不是件好事。」

整項研究為期6個月，共有813名少男少女參與。研究指出，聚首談個人問題心事，會增加朋友間的友誼，但女孩在傾計後往往變得更加失落。羅斯認為，箇中原因可能是女孩傾向為自己的錯失而自責；男孩則由於較少向朋友訴苦，類似的焦慮失落會較少，但朋友間的友誼亦因此較少增進。

Stussy

2007-07-25T22:49:00.000+08:00

How come 我選的衫總係無碼的？ @.@

鬼佬加大碼，我可以當裙穿lor.........

剛剛上去，連加大碼都無埋了…… @.@

其餘又睇唔o岩……

無聊

2007-07-25T22:13:00.000+08:00

昨日有人話佢無聊玩白拍，係咁話自己無聊，其實真係一D 都唔無聊，一個靚女自拍，呢D 叫做福世人……

世界人真係無聊的事，往往係當時人覺得好多意義的……例如

- 前排有個細路跌左落樓，專家話﹕避免的方法，係要睇實D 細路，鎖好門窗。(呢D 野要專家去講？)

- 食減肥餐 (然後話手軟腳軟去訓覺)

- 職業安全的checklist...... 今日返工第一日收到的 ......... 例如張chair 可以較高較低就tick 一 tick, (但老闆話﹕唔可以打交义……)

- 話森美最想非禮女藝人係有傷風化 (廣播局長走去叫雞先係有傷風化law, 你係都唔好叫個咁的質素…… 3000 蚊有好多選擇啦……)

新工作

2007-06-26T03:26:00.000+08:00

永遠都係咁神奇的，唔同舊公司繼約，新工係永遠都唔會黎。

兩日之內收到三個offer, 當然係勁勁勁開心。

第一份係教統局，我一行入去interview, 見到有個男仔好鐘意我咁的款，in 完都未返到公司，就已經收到電話，個agent 同我講話佢好鐘意我……我唔搞基架喎…… >.<

第二份係CX, 查實果日我係好柒，見到個KA 空姐幾靚，跟左佢上部S1, 直飛左去機場而唔係CX City, 搞到遲晒，but 呢個反而係好事，我主動拿呢張野黎講笑，都未試過in 得咁開心氣氛咁好……

第三份係恆生，我見office 入面係一半男一半女，咁先係工作環境黎ma，做果份written 其實都幾騎呢，不過連我自己都覺得寫得幾好……

其實我都唔想成日轉工，我的適應力都唔算太高，但偏偏我係SARS 果兩年Grad, 個starting 真係好鬼低，但anyway, 基本已經達標，我同一年前的人工比，差不多係一個double.

辭左職，返新工前有五日假期，去邊度好呢……

Goodbye

2007-06-17T18:22:00.000+08:00

其實一直都唔太介意，睇唔到有咩問題。

但最近每次見到都唔開心，那是事實。

既然是令自己唔開心的事，咁亦都無繼續做下去的必要……

創意

2007-06-12T00:39:00.000+08:00

我一向都覺得自己係一個design 人，好admire 一D 有創意的野。

今日個報紙頭版徵女友post...... 好得，入去apply 的女仔更得……
http://xanga.com/debbiesze

找左好耐先找到的……有無人可以sponsor 我賣廣告？可唔可以學人發起D 一人一蚊大行動？其實登在東方日報的分類小廣告都可以架 la..........

女性，鐘意男人……請登入dryg.blogspot.com

都ok 喎呵？

創意除左拿黎笑，可以找好多錢的，我一向唔係潮人，因為潮流就好似海浪，會一下一下將你手上的錢沖走……但我都有留意潮流興D mug........

近年日本fashion design 三個巨頭係 Visvim, Mastermind 同Neighborhood，之但係……都無理由將一件在UNI CLO 賣緊三十蚊的衫賣到$2380 架……@.@

MMJ X Visvim Pocket Tee

誠徵天蠍座女生

2007-06-09T02:13:00.000+08:00

8.天蠍座的女生被射手座的男生疼愛最幸福。

天蠍座通常是很強勢的，這種強勢不是所有男人能夠忍受的，有大部分的男生會避之唯恐不及，可是射手座的男生最尊重個人特質，他會鼓勵對方的發展，甚至會去欣賞，射手男生在家裏很願意做家事，而且很細心，因此天蠍座和射手座的兩人世界會很圓滿。

無錯我的確係欣賞D 好unique 有自己mindset 的女仔的……

New Contract

2007-06-08T23:16:00.000+08:00

新一年的contract 應該無咩問題，而我亦估唔到其實老闆對我的印象係唔錯，真係要多謝 Him 幫我cover 左唔少鑊。

長達五年的十萬 grand loan 亦在今個月還完，錢應該唔再係咩問題啦……

繼續 interview, 我最想入法巴，因為有機會見到趙海珠，但係無下文。反而係恆生可以去到Round 2, 找到我會走的，事關人工真係會多好多……亦都會升多一級，對我的career 好有幫助呢。

有無人可以話我知到底二百蚊同一千蚊的coffee machine 有咩分別？前日我在fortress 研究左好耐都唔太知，我問左好幾個飲開 coffee 的，都唔知有咩分別。

東京 x-pan 相，其實係炒炒地，但仍然在各攝影forum 中獲得好評，算係喜出望外。

Cherry, Yui 的新歌，全力推介，已經成為我的手機鈴聲。

近期買左個22" mon 拿黎打PS3 同 Wii, wakaka, 終於唔駛俾阿媽話我霸住部電視。

SMS

2007-06-06T20:46:00.000+08:00

今日收到個原本應該係常在心先收到的SMS........

甲方 (我)會無條件咁幫助乙方 (你)
係你開心,唔開心的時間陪伴在你身邊
會一世輩子愛護你 , 照料你 (好好好好朋友的愛....)
二十四小時 (係部電話旁邊) stand by
直到任何一方死亡
此承諾為一生一世

我第一個反應係……

最容易做到的方法，就係即刻整死我……

X-japan

2007-05-29T00:03:00.000+08:00

X-pan photo at Tokyo........

http://www.pbase.com/dryg/tokyo

Terminal 2

2007-05-21T00:59:00.000+08:00

一個星期前先坐完飛機，今日又去機場，不過係影相……

發覺自己，近排係比較多去D 影會活動，著得越少就越好，我有時都同D 昔日係影友，而家做左全職攝影師的人講，其實我去呢D 影會活動同攝影係無關係的……好老實，我唔咸濕係唔會去的……XDD

點解我次次去親影相都要落雨，係咩連個天都唔鐘意我？轉左去Terminal 2 度影。

Terminal 2, 都好靚呀，波浪紋的天花板，同 Terminal 1 個放射直線構圖好唔同。另一個特點係真係好少人，i-Sports 果班員工係直情唔駛做，自己在度打機，不過最吸引相信係個4D 影院，佢用個咁大的 mon 播 Pirates of the Carribean 喎，好有興趣添……

Mario Kart 大戰

2007-05-21T00:50:00.000+08:00

一個Wii 的gathering 變左Mario Kart 大戰，主要原因係因為大家都唔多記得有個咁的gathering (包括我)，個個都放晒飛機。

原本book 左位果間cafe, D 聲好雜，聽野講野都好辛苦，sorry 我隻耳仔頂唔順，即走……

用百幾蚊book 左三個鐘頭K 房，佢地有佢地玩Mario Kart, 但其實我一個人真係唱唔晒三支mic.....

forum 上竟然見到藍龜都有得避？千祈唔可以俾CK 知，唔係重駛玩？

至於阿cat 份手信，我真係好俾心機找的，要在東京找個深圳A 貨版的 Emily 出黎，真係好難的……
同時真係好擔心俾阿chu 隻B 女會甩頭髮…… >.<

東京

2007-05-13T19:22:00.000+08:00

酒店附近的一間鴨店，隔離係夜總會黎，一左一右，一對情侶各有各玩，方便非常，有興趣者可以問我拿地址。

日本Apple shop, 賣iPod 的地方，開緊mini-concert..

後樂園因為大版炒車而唔敢開過山車，唯有影下隔離坐棒球場，真係幾靚的……

書局入面很壯觀的場面，一排排的寫真Video 排列整齊，實在令我樂而忘返……

整個東京之旅，我見過最靚的女仔，記住，日文入面話女仔靚係用kawaii (可愛)，而唔係 ki ne i (美麗)，ki ne i 係話個女仔"打扮"得好靚……

因為今次有前飲食男女攝記提供資料，食左好多正野，Toro, 海膽正正正，連我平時唔食海膽的人都話正。

Grand Hyatt 的 Cafe, 夜晚上去飲杯coffee, 個夜景真係好靚，東京因為無咩高樓無咩山，真係一望無際，同香港唔同。

現場睇呢個女仔的確唔錯，如果D 西裝哥哥說服成功的話，我應該會BT 佢的片的……

日本的黃色事業非常有規模，我亦是第一次買正版四仔。好誇張架果度，一座樓五層，大過D 書局，有AV, 有SM用具, 最好玩係有D 根據AV 女星做出黎的假胸，摸上手好似皮膚架喎真係……

比較少人去的地方，六本木的觀光塔，都好值得一去，係一間美術館黎，d 建築 design 好靚好靚。

富士急，一個充滿回憶的地方，記得我人生第一個玩的機動遊戲就係Fujiyama, 全世界最高的過山車，五年前玩，唔識叫唔識驚，因為已經嚇傻左……

今次再上去玩，就非常enjoy.... 唯一係覺得佢太長，玩成3 分幾鐘，轉到眼都暈。

相中係我好鐘意玩的過山車，叫 do do pa, 我細細過睇完top gun, 好想試下由航空母艦坐戰機被彈出去果一下係點。呢個過山車就係在"滴達"一秒間由靜止加到去170 km/h, 好似戰機起飛咁，正正正

至於呢個紅色過山車，係我人生第一次玩，向後同埋半左吊的過山車，初時覺得會好刺激，但玩完我覺得Fujiyama 好玩D, 因為向後咩都睇唔到，只係俾人亂咁fing........ 只係衝落地下先俾你睇，根本就唔識驚。

好好飲的凍綠茶，沒有苦味，甜甜地但又唔太甜。

估唔到係淺草呢D 地方都找到靚女........... XDDDD

好似 L 果個面具

日本燒餅，唔識整，叫個職員幫我地燒，人地煮到一半，行開招呼其他人，跟住我地就開始食，佢打算返黎繼續煮……見到我地食緊……呆左……

anyway 係幾好食的……不過如果唔識日文就真係唔駛去了……

浪漫的地方…… 好多海豚在你身邊游來游去…… 呢個係橫槟的八景島，旅遊書好少介紹，其實類似香港的海洋公園啦……我地去主要係因為，近期一公升眼淚有一幕在呢度拍。

橫濱拉麵博物館，真係幾好食的，但其實新宿果晚食的都唔錯……原本我想飲惠比壽啤酒的，但唔識點讀，但asahi 都唔錯的……

在酒店附近所見，佢地好大班人一齊去K 玩，起碼都有六七個人，好少話得三四個人去玩架喎……

nihon e i ki ma su yo

2007-05-05T03:16:00.000+08:00

今次旅行，可以話係預備得最少的一次，可以話係無預備過，最有預備都只係出黎一次firm 左個行程。

去過一次，真係無咁驚架喎，不過其實對上一次去已經係五年前，印象已經好模糊了……

我到而家都未換yen........... 都唔知點算…… @.@

不過蔡欄講過話，真正有自信的人係唔需要太多準備的……XDDD

有驚喜的旅行先至好玩，對上一次最大的驚喜，相信係在kagoshima 唔見左本passport..... XDDDD

難得難得，同行果個同我一樣都係鐘意burberry, 一樣都鐘意聽Yui............. 掂……

剛剛上yahoo 知識 plus, 找到原來想讚日本妹靚女，係只會用kawaii 而唔會用綺麗......... 相當有用……

手信方面，我會用一兩日時間為大家精心挑選正版四仔的，有人重話要AV 女星親筆簽名添……我盡量啦……

Pursuit of Happyness

2007-05-01T04:43:00.000+08:00

好似無寫過影評呀呵？

Pursuit of Happyness, 一個老掉牙的故事，坦白講如果唔係Will Smith 做，我係唔會睇的……

戲中唯一一個GAG 位……

Will Smith 好窮，無錢交違例泊車告票，比人扣押左一晚，但第二朝就要去interview......
去到interview 的時候，當然係爛身爛世……

Boss 見到佢咁，唔多like, 想用呢條問題趕走佢……
Boss : 如果你見到一個人，黎interview 連恤衫都唔穿，而我又請左佢，咁你點睇？
Will Smith : 咁果個人果條褲一定係好講究……

無mood

2007-05-01T04:07:00.000+08:00

今晚實在無咩玩的心情……

其實，我好怕一D 負面的人。

話你的朋友唔好，但其實你係可以選朋友的……

話你的工作唔好，其實份工係你自己找的……

話你的男女朋友唔好，但又唔會分手，唔係因為你太愛佢，而係你騎牛找馬。

我唔鐘意負面的人，係我覺得他們沒有負面的權利。

有這種權利的人，卻住住係最堅強的……

剛剛知道一個好好旳朋友有血癌，佢有絕對的權利去怨天尤人，但佢無咁做。

佢重向身邊哭緊的人，講左果個漁夫出海前到敎堂祈禱的故事，好難想像呢個故事係出自一個受害者的口中。

Every man are self-made, but only the successful admit it.

呢個係一個好好的例子。

_________________________________
下次要試下玩Mona Lisa 香蕉船

xpan

2007-04-28T02:08:00.000+08:00

基於懶的關係，其實買機影第一筒相已經係十月的事，即係足足等左半年先拿去晒…… XDDD

新相機，好多野需要熟習，第一筒相當然不滿意，還有很多改進的空間。

去東京我應該會只帶 x-pan 同傻瓜 DC, 不過呢D 吃喝玩樂團，帶住 x-pan 通街走，對我黎講好似太重…… >.<

http://www.pbase.com/dryg/xpan

海洋公園

2007-04-24T02:43:00.000+08:00

精選對話﹕

1) 雀鳥劇場

因為winy 同一叮坐左在我右手邊，即係我聽唔到野果邊。
Winy : 你聽唔聽到我地講野架？
我﹕聽唔到，我淨係聽到D 雀鳥講野ja
Winy : (呆左) 咁佢地講緊咩？
我﹕佢話你地兩個好嘈……

2) 冰上show
Winy : 咦我地未影相喎
一叮﹕咁陣間去門口個牌影一張呀
Winy 同我﹕唔係咁老套呀嘛
我﹕(拿部相機出黎) 梗係用2007 年最潮的拍法啦……無錯就係自拍

3) 去睇北極狼同狐
Winy : (指住D 狼) 喂你朋友喎
我﹕係呀我係香港的代表，佢係北極的代表

我﹕喂你快D 走去狐狸果邊問下而家幾點，不過佢答十二點應該會追出黎的……

真係好耐無去海洋公園了，我連越礦飛車都係第一次玩，我唔明點解有個過山車，慢到可以前後傾到計的，日本果D, 真係一上車就驚到落車，果D 先係機動遊戲黎ma....

發現左樣野，原來Winy 一直都好想找青蛙王子的，佢在個兩棲動物館真係好有興趣，但裡面係得D 好核突的青蛙ja wo。

社會的進步

2007-04-24T02:08:00.000+08:00

一堆有趣的研究

根據目前傳統電腦 (即係唔計生化、同量子電腦) 的發展，應該到 2038 年，有第一部電腦的運算能力會超越人腦。
去到2048 年，所有個人電腦的運算能力都會超越人腦。

其實呢個唔係一個好遠的將來，距離而家只有三十年。

三十年前，即係1978 年，你都唔會諗到隨時可以拿住手機同人講野，你要D mug 上網 search 就可以。

而家你已經唔可以用飽讀詩書去形容一個人，因為世界的資訊，每 18 個禮拜就會增加了一倍。

美國2004 年的調查，十個最熱門的職業，其中五個在五年前係連名都未聽過。預計到左2012 年，應該有八個係未聽過的。

一公升眼淚SP

2007-04-09T09:49:00.000+08:00

剛剛睇完，睇過一公升的人一定要睇……

講好鐘意亞也果個麻生，做左醫生，回憶番之前的事……

又喊多一次了……

詹瑞文

2007-04-09T07:19:00.000+08:00

多得youtube 的幫忙，真係睇番好多好好笑的video,

詹瑞文單人匹馬 liu none 售貨員，真係睇幾多次都係咁爆笑，明明都知個笑位在邊架la, 真奇怪……

森美個情人反擊中心，果個朱告力哥哥，又係笑爆咀…… XDDDD

相對之下，反而覺得近期阿Jan 果個棟篤笑無咁好笑……

唉ya

2007-04-09T07:11:00.000+08:00

無理係兒童節獻禮同埋頭先去酒吧都唔記得左玩的 game，記低佢先，下次一定要玩 Mona Lisa 香蕉樹呀………好好玩架……

近幾個月真係駛左好多錢，買左PS3, 又買左部 Wii, 轉左手提, 買番部相機，原本想買個 22" Mon 打機用，但因為要去東京掃我的 Visim, Mastermind, Head Port, Burberry 而cancel 左買mon。

好開心，原來有人識飲食男女的攝記，佢去左東京出trip 14 次，簡直就係東京人肉地圖，睇黎呢個東京之旅……wakaka, 張credit card statement 會好金…… >.<

近期煲部Wii 真係煲到好忙，因為真係太好玩，不過我又無人地咁誇，打保齡打到放部電視落地下再加助跑…… XDDDDDDDDDDDDDD

zi 小姐

2007-04-09T07:07:00.000+08:00

無錯呢個post 係俾你的，其實我好耐之前都好似講過下D 咁上下的野。

你自己都放唔低之前的野，人地對你若即若離，其實係幫緊你je, 你估對住鐘意的人，又唔可以對佢咁好，好好玩架咩？

高峰期

2007-04-09T06:37:00.000+08:00

點算，又係飲完酒眼光光，陣間重要踩單車入大尾篤…… >.<

年尾年頭，除左係轉工的高峰期，亦係情侶離離合合的高峰期，有D 人因為大時大節想有人陪而一齊，亦有人因為過左大時大節唔需要人陪而分手……

呢排，大大話話都聽左幾個朋友分手的消息，亦都係hkfa 答左幾多人的感情問題。XDDDD

其中有個最佳選答係咁的……

對住鐘意你的人專一係一件好美好的事
對住唔鐘意你的人專一就係一個白痴……

點解D 人總係覺得話左俾個女仔聽，你有幾鐘意佢，佢就會鐘意你？ @.@　＜－－我真係覺得D 人睇電腦睇上腦。

-------------------------------
我份工，六月中就contract 完，睇黎去完五月個東京之旅都係時候找工走人……

喂，我個cartier 銀包幾時先有？ XDDDDDD

下次kiss 的時候大家小心D

2007-03-31T13:04:00.000+08:00

真係笑鬼死我

街頭熱吻少女驚覺「第三隻手」
男子被揭趁機摸臀　承認非禮候判

【本報訊】失婚男廚師於午夜時分，在蘭桂坊附近街角發現一對正在擁吻的情侶，他暗中躲在二人後面，伸手撫摸正陶醉於熱吻中的女事主，她以為撫臀的手屬於男友，初時未有理會，其後男友的雙手均放在她肩膊，令她驚覺身上竟出現「第三隻手」，轉頭看見男廚師，揭發其狼行。每次為時三至四秒

37 歲被告叢培健，昨於東區裁判法院承認一項非禮控罪，裁判官將案押後至 4 月 13 日，待索閱感化官及社會服務令報告才判刑，其間被告獲准以現金 1,000 元保釋外出。庭上所見，被告表情呆滯，離開法庭發現記者鏡頭時，呆立數秒後才重複說「唔好影啦」，卻未有逃避拍攝，其友人在旁不禁說：「一早就應該遮面啦！」辯方求情時透露，被告已離婚，育有一名 8 歲女兒，望法庭不要判被告入獄，讓他可與女兒同度復活節。

案情指，遭摸臀非禮的女事主現年 23 歲，是一名學生。案發於本月 18 日凌晨 4 時半，女事主與男友在中環德己立街近威靈頓街的街角熱吻，被告潛伏在暗處，不讓該對情侶發現，並趁二人情到濃時、旁若無人之際，伸手撫摸女事主的臀部兩次，每次為時三至四秒。其間女事主正陶醉於纏綿當中，加上她以為撫臀的手屬其男友，遂不以為意。

被告見機不可失，第三度出手撫臀，剛巧同一時間，女事主的男友把雙手放在她的肩膊上，女事主驚覺出現「第三隻手」，轉過頭來，看見被告正站在後面摸她。此時被告發現事敗，即停手離開，兩名正於附近執行反罪案巡邏的便衣探員，目擊被告整個犯案過程，遂上前向女事主進行調查，另一探員則跟蹤被告。向探員稱一時鹹濕由於探員目睹被告用右手撫摸女事主的臀部後，將手縮回並放入褲袋，一度懷疑被告打荷包。惟女事主檢查過後發現並無財物損失，探員遂以非禮罪拘捕被告。被告於警誡下承認罪行，並向探員稱：「我一時鹹濕，畀次機會我啦，阿 sir ，我無下次！」

助聽器

2007-03-19T00:02:00.000+08:00

隻耳仔，係神俾我的一個挑戰。

最大問題，係我同人行街，或者一班人一齊食飯果陣，因為我無立體聲，會將所有聽到的聲加埋一齊，結果係同 total deafness 其實無分別，人地見我只係係咁 e 答一兩句，好無誠意咁，對我的印象自然就唔會太好。

坦白講我對上述情況束手無策。

上星期去左做番個 test, 問下有咩可以幫到我，佢借左個助聽器俾我用，希望佢真係幫到我。

聖經入面所講﹕賜我信心去接受我所不能改變，賜我勇氣去改變我所能改變的，賜我智慧去區分兩者，係我心中的金句。

我應承過神，如果我可以改善到我的聽覺，我會努力去用說話令身邊的人開心快樂。

And this is my life-long passion

MSN I'm

2007-03-12T00:49:00.000+08:00

近來 MSN 多左好多 I'm 的 icon, Microsoft 的新玩意，你每 click 落 I'm icon 去chat, Microsoft 就會捐錢做善事。

但大家在用之前請三思，睇清楚 T & C, 因為有關的 chat message 係會被記低，同埋只有同 MSN 8.1 以上的美國用戶 chat, Microsoft 先肯捐錢。

Down down 地

2007-02-28T00:09:00.000+08:00

呢排 down down 地添……可能係一個星期開足七日工的關係……

努力呀黃綠，就算全世界唔再俾機會你，你都一定要俾機會自己……

呢D, 心理學上叫做自我催眠…… XDDDD

男人這東西

2007-02-27T01:28:00.000+08:00

為表真心青年跳海【本報訊】昨中午 12 時許，一對 19 歲姓范及 16 歲姓黃小情侶，在觀塘碼頭旁懷疑「耍花槍」，范跳落海以表明真心，黃見狀大驚，向附近的釣魚人士求救，釣魚人士即扔下水泡及報警。范扶水泡游返岸邊，並由途人協助救上岸，警方及救護員接報到場發現范並無大礙

以下係newsgroup 上的reply. >>

>> 個男仔太傻喇, 有咁多野要做, 點解唔要命呢? 再講, 依個女仔都好一般je, 而且就算好店,都無必要咁prove 自己既心意既.

>> 佢好識諗喎，我覺得佢真係想自殺~ XDDDD

>> [各花有各眼]呢句話唔到你唔服。

我係一隻無腳的雀仔

2007-02-21T07:07:00.000+08:00

我相信以下我打的野，講唔上係驚天地，泣鬼神，但的確係最了解我的人先會知道的…… e.g. Zizi..................... XDDDDDDDDDDDDDDD

唔知由幾時開始，我俾人果個感覺係﹕溝女王……

其實我何得何能？我講野唔叻大家不嬲都知，我溝女不嬲都只係靠個樣…… >.< 其實我覺得個天要我細細個就弱聽，等我講野無咁叻呢，係因為想呢個世界公平一D, D 女俾我溝晒就唔多好。

我並唔介意人地咁睇我 ge, 因為個個男仔心入面都係咁架 la..... 好多人，settle for less ja ma, 你話如果有個李嘉欣級的女仔追到上門，又有幾多個男仔可能不受引誘呀。咁既然係咁，點解唔靠自己找個最好？

同 D model 傾得多，你就會明呢個道理，好多你覺得好乖仔的，對女朋友好好的，對住model 咪又係追左先唔理咁多。

我要重申一次，其實我真係唔係咁膚淺的……我相薄入面果句﹕

The most beautiful thing in the world can neither been seen, nor touched, but are felt in the heart.

我幾時都記住的……

樣，老實講，我係一個男人，呢D 野我唔會唔睇的。身材，我係一個成熟的男人，所以都唔會唔睇的。但講真，我係一個識影相的男人，我都知外在美好多時係用錢堆砌出黎。

之可惜，其實一個好有內在，而個樣我又覺得 OK 的……喂真係唔多喎……

咁點呀？咪唯有要不停去找 law.........

就係因為 I won't settle for less, 所以俾人叫做溝女王……

不過溝女王呢個名，其實我真係幾鐘意的…… XDDDDDDDDDD

眼光光

2007-02-21T07:01:00.000+08:00

以後真係唔可以在返工之前果日飲酒，每次飲完酒都係咁，酒醒之後就眼光光，等天光，而家係7:00, 我係在極度無聊以及極度眼訓下寫的……

其實我的作文能力的確係唔錯的，好似小學果度，係拿個一個唔知咩咩全港作文比賽的頭幾名。中學作文成日都俾人讀出黎，會考同 A-level 的中英文作文都係A or B 的 …… 之但係前排有個同事叫我去出散文集，我的答案係……

其實我唔係大想做實力派，出散文集呢家野係實力派所謂。

我的目標係，三十歲前要做偶像派，我真係好努力的……

Cassie

2007-02-05T22:24:00.000+08:00

Cassie 係城中當紅的 model

其實當日佢的狀態不太好，可能係落cyber 落得太早，天光先訓。

but anyway, 出黎的相總算滿意。

天理

2007-02-05T22:14:00.000+08:00

其實俾一個傾慕我的男人在 google search 左我個BLOG 出黎，果下感覺係好驚嚇的。 >.<

如果可以選擇，我情願比夏璤姐咀一啖了。

俾同事發現左我個BLOG, 咁點算好……係唔係應該close 左呢度佢？

不過其實我都無寫我三圍數字，又無寫我ETC 密碼，都 ok ge........... 繼續 law......

最緊要係有同事個 fd 話我呢張相---->

有型

終於知道呢個世界係有天理的……

手信

2007-02-04T01:39:00.000+08:00

查實呢，原來我真係好鐘意D 有心思的禮物，知我者莫 momo 也……

個 key chain 真係 fit 晒我，500ml 慳慳地都ok 夠用，但點解佢上面寫住「必勝」？我唔會敗架喎……

但下次D 手信，可唔可以俾番少少深度？我腦入面唔係得個咸字，例如係D 文學鉅著當沙士比亞遇上關雲長咁上下呢……

呢期真係好耐無update BLOG ，同埋睇人地的BLOG ........ 過左就算了，唔寫……

但有D 野真係好過引，昨日去睇草蜢，由於我啟動左beauty face detection (TM)，見到我前面有個靚女，佢就睇得好high，起晒身咁跳，但當佢一望到佢男友悶到訓著左，就好無引咁坐番低…… XDDDDDDDD

新BLOG

2007-02-04T01:33:00.000+08:00

我一向都鐘意心理學，that's my psycho BLOG............

http://psyfun.blogspot.com

其實九成都係吹水，有錯請勿指正。

最騎呢就係我 send 左個psy blog 俾同事睇，有同事話我唔係無腳的雀仔，而家無雀仔的腳……咁就奇，點解佢知我無雀仔呢？ @.@ 好驚喎……

War game

2007-01-15T23:44:00.000+08:00

第一次去打 war game, 原來真係好好玩，我沿用rainbow six 的戰略，見人就殺，不分敵我，結果係所有人都追殺我，非常好玩。

但玩完重慘過行左兩日山，今日重要去打squash...... >.<

好耐無試過成晚咪都唔做在屋企唱歌了，在K 度有人同我唱，查實我好鐘意Solo 的，以前讀書就話有歌唱比賽玩，而家唯有在屋企唱下啦……

又未到炒得，未算死得，就算炒最多早退休暢遊世界……

結婚

2007-01-09T01:34:00.001+08:00

點解我咁無聊係咁在度打野？因為我要等人send 佢個老婆張相過黎，聽日玩新郎用喎，無奈海底電纜有事，IMS 張所有資源調俾商業客用，搞到佢send 張相 send 到唔知幾時。 >.<

查實我呢個 fd 結婚，真係有D 奇怪，佢地只係識左半年，跟住又係阿爸阿媽叫佢地結，又話要今年先耐結，跟手夾時辰話要淩晨四點出門……人人都話太急，but anyway la, 結左婚要錫老婆俾幸福人la................

點算？重係未有相……

結婚

2007-01-09T01:34:00.000+08:00

海底電纜

2007-01-09T01:27:00.000+08:00

海底電纜原來咁很貴，而家先知，舖 1 km 要4 百萬。

無網上的生活真係好唔方便，好唔方便一班員工吞port, 我而家份工無咁無聊，受的影響算係輕微，其實我已經理解唔到一個無網上的 reception ，佢的生活可以點解過。

另外一樣野，叫做手提電話，但其實手提電話令我地浪費左好多時間，無手提電話的年代，你試下遲半個鐘，D 人等唔等你？

新同事

2007-01-09T01:18:00.000+08:00

小弟細個唔識諗，走左去讀IT ，一個男仔佔大多數的作業，結果後悔莫及。

最近，公司來多一個新同事，在IT 的standard 黎講算係十年一遇的靚女，而家剛剛坐左在我附近。

一系列不可思議事件發生了﹕

1) 唔知點解平時同我無咩兩句的同事，忽然間同我咁好傾。
2) 一日有男同事走埋黎，問個新同事﹕有無需要D 咩文具咁呀？呢句我入左去半年都未聽過
3) 我地有canteen, 平時我地個組人食飯，得個幾丁友，今日成飯一枱十幾人，何其狀觀。

大個仔

2006-12-21T01:28:00.000+08:00

1221, 又大一年了，今日加左唔少人工，買左好多生日禮物俾自己，x-pan la, PS3 la, 黎緊的 Wii la.......

頭先行city super 找禮物，又睇中左迷你遙控直升機添……呢排買野真係買上引…… @.@

今日同舊同事食飯，坦白講我都唔 expect 佢會記得我生日，我地成半年無contact, 電話都無一個，佢都重記得，十萬個感動…… XDDDDD

重有四年就三字頭……係一個男人最有型的時候，期待……

P.S. 有人問我鐘意咩禮物﹕查實創意係的我的生命，只要份禮物夠騎呢，我都會鐘意。
如果你真係想唔到，曾經有人送個一張receipt, 係捐左錢俾無國界醫生的，我十個鐘意，係有生以黎最有意義的生日禮物。

林狗 talk show

2006-12-16T14:33:00.000+08:00

成個 show, 超低能........... XDDDD 你明唔明呀？

年……又過年……旅遊

2006-12-04T23:33:00.000+08:00

妖，真係有好多地方等住去……

雲南
北海道
歐洲
陽光海灘 (邊度我無咩所謂)
東京 <-- 五年無去好想去多次

雲南，去極都去唔到，三月果陣我攪話去，又無人理，到我決定左黃山，佢地班友又話去……影D 相返黎重要鬼死咁靚……跟手十一月又有第二班fd 話去，但我返緊份得七日假的工，點算 je.....

黃山，唔好玩，海洋公園好玩過佢。最記得都只係幫人地搶(唔係買) D 長生酥返黎。
宏村，都值得一去ge, 一去到真係知道咩叫風光如畫。

北海道，上年未排到期去，今年我家姐話二月去，點算，好貴，我又唔係好拿到假。

歐洲，原來我都無打算去，但 oasis, 三千蚊來回 ticket 真係好吸引。

陽光海灘，好多ge, 我唔識游水，咁可以玩咩呢？答案係潛水，滑翔傘........

東京，對上一次去係大學的 year 2, 在鹿兒島讀完日文轉機過去。其實去東京真係會失控的，我在香港係絕小買衫的，通常都係一季入一次，update 下個 trend...... 我呢種人過到去都買左三千幾蚊衫。同埋真係好多野玩，Fuji-Q 我真係好掛住你，重有Shinjuku 的靚女們……

年……又過年……工作

2006-12-04T23:29:00.000+08:00

今年……做到目標了，就係轉去一份有前途的工作。

我向來都唔係咩事業心重的人，但我總係要食飯的，都要為將來打算下。轉左黎中銀做，其實對於我，銀行係完全唔 match 我性格的。

做的野，其實我做得唔好，自己有眼睇的。眼見人地可以將自己check 左好多次的野，一眼就睇出黎。真係唔好受的……

下年的目標，好簡單，就係將手上的工作做好。我睇份contract, 我做成咁，都好難renew 架la, 不過我睇轉工應該唔難的……

年……又過年……愛情

2006-12-04T23:03:00.000+08:00

愛情，自從同個 ex 分手後，呢一年都係空白的，有復合的機會的，但感覺已經唔在度了。
其實自己在呢一年最大的進步，係自己的自信心真係大左好多。
以前，俾女仔拒絕，好激動，表面就好似好鐘意個女仔咁，實情就係覺得，被人拒絕好似代表自己唔掂。
人大左，成熟左了，傻事做少左好多。

以前一拍拖就打算結婚，結果分手果陣就覺得人地好似負左你咁。

好唔明以前點解會單靠個女仔索唔索去決定一個老婆。

而家，人大左，知道一開始唔需要俾咁大責任大家，casual D , 大家都會開心好多，真係我老婆的話，相處耐左自然就發覺。

Well......... 下年的 target 都係俾心機溝女啦…… XDDDDD

PS3

2006-12-04T22:54:00.000+08:00

黃綠害人太多，天修，病到呢，不過終於都好番……

終於都係忍唔到手，拆左部PS3 黎玩，對於我呢個由細到大打開機的人，實在係太大引誘。

但開左先發覺，PS3 真係有錢人的玩意，你一定要有部37" 以上的電視先可以用得盡部PS3,
結果就係我呢幾日不停咁上影音深造班，不停上網找各個專業名詞的解釋，務求我可以唔買
大電視，可以在個mon 度玩，真係頭都痕埋。

原本重諗住用部PS3 找下錢買部Wii 添，睇黎而家都係兩部1 齊架la........ 無晒錢啦……快D 出糧呀……

好耐好耐

2006-11-24T00:22:00.000+08:00

Blogger 你好嘛？我好耐無同你扑過啦……

終於都忙完，上左 production 了，其實我返左工幾年，今次先至真正將自己寫的野，面對住一百萬的用戶，出之前真係幾擔心，but anyway, 雖然都有少少問題，但總算係 ok。其實真係好多謝我D 同事幫我double check 再triple check, 無佢地我俾人炒左好耐了……

----- 我是分隔線 -----

買左我心愛的 x-pan 了，萬幾蚊，係我一生人最貴的玩具。但影菲林真係好麻煩，xpan 又特別，晒相要拿去拿去 lab 度晒，好麻煩。

上個禮拜拿住部 x-pan 走去影相，行到去CWB 見到Nokia promotion, 行過個 show girl 面前，佢擺左pose 俾我影，我呆左，因為我真係無打算要影佢，係路過only, 咁點，唯有扮影左一張。

重有在文化中心影snapshot, 影影下，突然間見到鏡頭入面有條友仔好開心，一望之下原來係一個女仔，大約都係以為我影緊佢，其實我只係想影條樓梯，不過你坐在度我真係無辦法，XDDD, anyway la, 令到人地開心都係善事黎ge, 唔怕做…… XDDDD

----- 我是分隔線 -----

甘泉航空真係好抵 law, 去過佢個web check, 來回倫敦連附加費都只係三千蚊，忽然好想去歐洲添，真係同我去個東京差不多ja, 我要去瑞士食瑞士糖嘛。

不過最麻煩係D 假，得七日假要去Bali, 北海道, 關島己經係無咩可能，拿假果度真係好頭痛……

----- 我是分隔線 -----

哈，hkfa 有人又想搞 gathering 播，不過佢出post 呀，難度高左D 喎，哈哈。

Travel

2006-11-10T01:17:00.000+08:00

Bali - 4499, Westin Resort 3 nights
浮羅交怡 4500, Sheraton Beach Resort
Osaka, 4620, 3 nights
北海道, 6020, 3 nights
穌梅, 4910, 3 nights,

其實都差不多價錢，玩 5 日都夠了，即係package 就 5,000

睇下幾時拿假先……

睇掌

2006-10-24T00:04:00.000+08:00

一向我都唔相信睇掌同數下電話有幾多個一字，我總相信命運拿握在自己手，就算係上天安排都要自己去爭取。

之但係呢，近排又鐘意睇手指，無錯係手指唔係手掌。拿呢個我就信喎，因為係用手掌去睇一個人的性格。

讀書的時候學的，人腦的 30% 係用黎控制我地的手指，所以我好深信手可以反映到一個人的性格的。

最近睇discovery, 講有一個科學家可以用無名指的長度去估一班長跑的選手的名次，1-8，結果只係第三第四估錯左……真係好不可思議。

過三關

2006-10-23T23:59:00.000+08:00

我都唔多落bar, 但竟然教左大家幾隻game.

去酒用的過三關，你真係叻，我未試過同人地玩過三關搞到人飲晒九杯……wakaka,

捱時間的打地主，都話好過玩鋤D 架la

重有再虛偽不過的 I have never......... hehehaha, D 人玩得呢D game 又要咁虛偽……唉……

Prison Break

2006-10-20T01:08:00.000+08:00

呢套，係繼一升的眼淚之後，我會話好正的劇集。

一升的眼淚最正係呀水著姐姐，但我之前睇過佢本寫真集，都認唔到呢個校服look... @.@ 校服look 係最好的……

Prison break 最正係個男主角，無錯我係仔都要講呢個字，型爆。

不過佢同一升的眼淚就唔同type 的，一升係催淚彈，我喊左二升。呢套，就講鬥智鬥力的，男主角果種冷靜同機智，係我呢D 只係得個樣的人要多多學習的…… XDDDD

工行

2006-10-20T00:58:00.000+08:00

為左工商銀行上市，我已經用左好多個晚上在公司。

變態，中銀借左百幾億margin 出去，其實在呢度做野真係好大壓力，上次做錯左，搞左人地匯多左幾千蚊英磅，已經好大件事，做 e-banking margin 果part 的同事真係好大壓力，上次只係整少個制，件事已經上左金管局…… @.@

在度最好的地方，係得到唔少股票資訊，講真我向來都唔玩股票，錢的野，都係交俾專業人仕去管啦，我總唔信我的眼光會好得過D 基金經理，所以一直我都只係買基金。

今堂網球終於教開波啦，好勁呀，開左好多球Ace 呀，因為另一邊無人接……

悶熱

2006-10-16T00:19:00.000+08:00

呢張相，最唔滿意係cut 左腳，但我都無辦法了，事關我已經訓左落地……

飲完酒第二朝要走去影相，原來係件好辛苦的事。

查實，我估唔到在d 去西頁的車都會撞到同事的……

入左西貢影相，今日真係原全無mood 影相……個天想落雨，落雨唔係最慘，落雨之前果種悶熱，先至係最得人驚的……

X-pan

2006-10-16T00:12:00.000+08:00

近排迷上左x-pan, 一部影全景的相機，其實我不嬲都唔會買D 好貴相相機的，呢部係唯一……

但萬幾蚊，真係好很甘…… >.<

要忍手要忍手要忍手

Momoinc 狂罪

2006-10-15T23:56:00.000+08:00

嘩，頭先打開jacky D 相，嚇死我，睇第二張相，點解張相可以咁黑，真係唔好迫我講句﹕斬佢隻手落黎…… 好彩第二張正常番少少，抵錫呀Janice..........

皇上個龍咀，都真係幾鬼好咀的……應該為難下我，French Kiss 呀嘛……

柬埔寨，除左地雷多之外，其實真係無咩特別，但點解winy 同ivan 都會去架呢？奇……

歐洲，查實我想去，但講真其實歐洲無論幾時去都係一樣，所以都係遲下先去啦。

唉，人人都去旅行。

去就梗係去南極啦，五萬蚊ja 好抵呀…… 即係我覺得，我去完真係唔會後悔駛左呢筆錢law, 一人世物一世，真係去過南極的又有幾多人呀，去Nepal 果個base camp 都差唔多咁的錢啦。

可惜，我無錢可以俾我後悔…… >.<

塔門

2006-10-08T21:32:00.000+08:00

終於唔駛訓街，終於有飽飯食，重有180度大海景，正。

哈，夜晚綁D lightstick 上隻風箏，變左隻螢光風箏，成個camp site 的人都走過黎讚……呵呵。

其實，七級珠，做低分的，真係好鬼辛苦，搞到我成晚都講唔到野…… : (

Killer，原來有人真係好戲成咁……

Tennis

2006-10-06T00:28:00.000+08:00

昨晚發神經想聽返笑談廣東話，load 左幾集落 iPod 度，經手就出事啦，搭車聽的時候笑到好似個傻佬咁，雙眼就不嬲都及女架la... 加埋就變左係一個變態佬。

突然好轉做亞加斯，走左去take 網球班。

我有壁球底子，其實基本野都係差不多，都唔難拿握 ge........ 成個網球最辛苦的地方就是執波，真係好多波要執。

Blogger 終於改左版

2006-10-04T22:54:00.000+08:00

Google 終於都出手，Update 左 blogger, 查實Google 的野無奶油係咁，個blogspot 真係完全唔掂，而家轉左版，好用左好多，真係差好遠……

欄杆文化

2006-10-04T22:23:00.000+08:00

舊年攝於銅鑼灣遊艇會對出的堤壩，果次，差D 跌左落水…… XDDDD

近年影相見到的一種文化，就係，香港，太自由了，Media 越來越大聲，任何無問題的事，在封面加上竟然兩個字，便變得不合理，例如﹕阿Sa 公然與無賴交談, 方力申竟然坐上跑車，神色鬼異……

所以，政府亦越來越怕死。

上個禮拜去灣仔睇煙花，駛唔駛封得咁誇張，在離海邊廿呎放鐵欄。

我去大坑影火龍，欄一年比一年放得多，最後唔去影了……

去長洲睇飄色，D 路越封越離譜，不過好彩我地都係有辦法混入去的……

好彩，香港無潑水節。

想像一下潑水節探取人流控制，用水馬分隔……

好彩，香港無奔牛節。

為安全計，牛同人將分流管制……

韓國農民就深深咁體會到呢種文化，所以當日拆左D 鐵欄黎做鐵枝……

塔門

2006-10-03T22:56:00.000+08:00

查實我班 fd 的毅力真係好驚人，個塔門二日一夜訓街團搞左兩年，都未搞得成，但由於上次又係兩日一夜的訓山吊燈籠團，訓街的感覺實在太可怕，今次係變左wild camp......

塔門，終於都搞得成，不過我個 tent 去邊度找好呢…… @.@ 唔係又要訓街呀……

呢張係一年前吊燈籠團的遺作……

戀愛癮君子

2006-10-02T21:11:00.000+08:00

癮呢個字，大家會即係聯想為毒品，賭博，但心理學上，戀愛也是一種癮。

經常聽到有人失戀時會茶飯不思，整個月失眠，患上depression, 自毁或者拿起把刀切左人地寶貝的行為(<-- 呢個最唔要得，人地重要找食的)，我地唔難明白，其實呢種癮的破壞了的確好驚人。

癮，其實係過份的 passion, 當一個人，無論係遇到毒品賭博情人，覺得，記住只係覺得，而未必係事實，可以幫自己逃避壓力，不開心的事，或者可以增加自信，身體就會分秘出一種hormone, 呢種hormone 壓抑大腦處理理智的部份，令我地keep 住去做一D 自己都覺得傻的事，即係果D 曾傷我最深的人，偏得我心。

passion, 其實每個人都應該有一個，我的passion 係creativity, 對很多創作都會非常欣賞，passion 變成一個癮，其實只係為左填補自己心入面的不足。所以，要脫開呢個癮，最治本的方法，都重係從不足的地方入手。

希望你明啦下，當你愛的一個男人，愛到無左自己的生活，其實問題根本在於自己。

回首

2006-10-02T00:07:00.000+08:00

從來無諗過你會後悔當初的決定。

或者你會覺得好奇怪，點解你當日要走，我完全無留過你，那是因為當日你真係走得好開心。

既然係咁，點解又來找番我？

Sorry, 我唔會俾自己做一個水泡。

你的問題就係在於你太索太靚女，好難找到一個對你真心。

中國城

2006-09-28T00:06:00.000+08:00

今日同同事講起幾年前的一件事，當時中國城重在尖東，未搬去澳門。

當日我行過尖東，忽然有人拍我，我望過去，有二個大陸人，佢問﹕

喂，中國城應該怎樣走？

(點解佢會問我架呢)

我答﹕果邊 (其實係點左佢去科學館果邊)

(佢真係睇得起我，知我成日去中國城，識途老馬，但其實我係去開砵籣街架ja.............)

Smiley Central

2006-09-27T23:56:00.000+08:00

OK 有得換，平時換Kitty Garfield 我唔會理佢，但呢個我真係好有興趣，不過暫時都係儲得三個。

愛得太遲

2006-09-25T01:37:00.000+08:00

唔好以為我會話呢首歌好有意思，呢樣野唔駛我講，好多人已經講左。

唔知又有幾多人記得shall-we-talk 的歌詞？有幾多人在聽完首歌之後一年會記得？

兩首歌，講的野都係差不多，其實唔好期望一首歌可以改變到D 咩，只不過而家十首歌十首都講愛情，間中講下友情親情的歌就好殺食咁解。

人，老實講係唔會唔得閒，佢只會把時間放在一D 佢認為重要的事，其實每一個人覺得重要的野，通常就係童年失去的野。好似我咁，細細個唔俾出街，阿爸阿媽思想守舊，所以我覺得重要的野叫 innovation, 有D 人細細個阿爸阿媽唔理佢，所以重要的就係 relation

通常一個人都係經過一D 大病，先至可以體會歌詞入面，世界有大多東西發生，不要相信一切有下次。我隻耳仔total deafness, 前後只係一個禮拜的事，好幸運咁深深俾我體會到呢個道理。但總唔可以強求其他人都明白。

最近老闆竟然話我點解放工咁準時走，呢個係咩世界，準時走都有罪，我幾想答番佢﹕你都有屋企人有朋友架？但我明白佢係咩人，佢最重要的野係 achievement。

人，最緊要係做一D 佢認為重要的事。
但可惜，大部份人都係聽人講話咩重要就做咩，最慘的係，更多人連咩對自己重要都未知

Life is a daring adventure or nothing............

仆街

2006-09-24T01:12:00.000+08:00

仆街一﹕見到你只會不停數同事，朋友的不是，最慘的係連佢自己都數埋，成日話自己呢樣唔掂果樣唔得，但其實D 野係未試過的……

仆街二﹕明明男人係咸濕，一見到有人偷拍阿Gill ，就企出黎鬧人，唔記得左自己講過，我只係做左D 所有男人都會犯的錯，搞大左人地個肚

仆街三﹕一個(通常係男人)在人地面前係咁講D 好 technical 的野，唔悶死人唔停手。佢地其實好可憐，因為佢地唔明吹水係based on mood, not on fact........ 但佢都係一個仆街，因為真係好悶…… 其實講穿左，佢地只係想 show 佢地有幾叻。

但佢地最唔明的係，認叻的男人會不停咁在女人講好多野，真係叻的男人會不停在女人面前做好多野。

仆街死﹕黃綠醫生

iPod nano 2

2006-09-24T01:03:00.000+08:00

近排，查實真係唔多開心，買左D 野tum 下自己……

iPod nano 2........

wakaka...........

試機，download 番情人反擊中心黎聽……真係聽幾多次都咁好笑……最好笑係煲chocolate, 有人打上去，話佢女友上年煲chocolate 俾佢飲，佢飲完肚痛，今年佢又話再煲過……@.@ 問森美點算，跟住森美答佢，飲你就一定要飲架la, 盡情咁All 啦你…… XDDD

: (

2006-09-16T00:08:00.000+08:00

I can't change the wind, but I can adjust the sail.

呢期係我情緒的低潮，或者我將太多的野放在自己身上，too care on something will lose it.

呢期的心情我只可以用一個字黎形容，屌……

離奇失蹤

2006-09-06T21:30:00.000+08:00

我前兩日打個篇野去左邊？ >.< 咁奇怪的……

我班影相fd, 好耐都無見啦，自問對攝影的興趣已經無以前咁strong....... 大家原來都成半年無影相了……

Maxim 的封面竟然係Kary.......... 邊有雜誌會倒自己米？我想買都買唔落手喎…… >.<

Disney 一週年，睇返D 相，哈，好搞笑，原來有人戴住帽真係影左好多相，但佢真係好似變左樣。

科技頻道

2006-08-30T22:46:00.000+08:00

近期令我睇上眼的科技產品，叫 iPod 同 Wii

創意的確係呢個世界成敗的關鍵，Steve 哥，呢個apple 的老闆，當年apple 輸左俾Microsoft, 係因為佢的離開，而apple 從新有錢找，係因為佢幾年前出左部 iMac, 近排又出左部 iPod,

iPod 其實唔係咩新野，佢成功的地方，係能夠將一部只係三四百蚊的MP3 賣到成千幾蚊，Design 唔算係好熱，只係將女仔買野最重要的三個element, 叫白細圓，套用左在一件科技的產品度，女人錢易找嘛，咁梗係找唔少啦。

Wii, 係我真係欣賞的遊戲機，我重係沈迷打機的年代，紅白機係我的至愛，好可惜後來任天堂太跟風，後來出的gamecube 等等，都只係向靚畫面著眼，所以lose 左俾playstation, 後來出左一部NDS, 簡直係任天堂的大返身，因為佢的game 真係有好多玩法，如果唔係我坐車打機會暈，早就買左，睇黎買 Wii 呢D 錢都無得慳。